20 Shilde, 2019

О́skemende «Izgi júrek» syılyǵy tapsyryldy

379 ret kórsetildi

4 jastaǵy búldirshinge kómektesken semeılik 8 synyp oqýshysy Vıktor Novoselovke tapsyryldy.

 

Keshe О́skemendegi «Vostok» stadıonynda ótken metallýrgter kúnine arnalǵan merekelik shara barysynda «Izgi júrek» syılyǵynyń qorytyndysy shyǵaryldy. Bul jolǵy syılyq (500 myń teńgeniń sertıfıkaty men estelik statýetka) rıdderlik 8 synyp oqýshysy Vıacheslav, óskemendik polısııa Asqar Quljynov pen oblys ortalyǵynyń taǵy bir turǵyny Merýert Temirbaevaǵa tapsyryldy. Vıacheslav bıylǵy qysta jalǵyz ózi órt sóndirýshiler kelgenshe úıin órt shalǵan kórshilerin syrtqa shyǵarýǵa kómektesken bolatyn. «Balam úıge teledıdar men jıhazdar alǵysy keledi. Qalǵan aqshaǵa jańa oqý jylyna ózi men inisine qajetti zattardy alamyn dep otyr» deıdi anasy Irına Golova.

Al óskemendik ınspektor Asqar Quljynov 5 mamyrda Krylov kóshesi mańyndaǵy Úlbi ózeni ústindegi kópirden sekirgen áıeldiń sońynan ózi de sýǵa qarǵyp, ony jaǵaǵa alyp shyǵyp, janyn aman alyp qalǵan edi. Merýert Temirbaeva naýryz aıynyń basynda kórshi úı tilsiz jaý qamaǵynda qalǵanda áýeli 5 jastaǵy balany, artynan 30 jastaǵy áıeldi syrtqa alyp shyqqan edi. «Osy syılyqty taǵaıyndaǵan «Qazsınk» kompanııasyna alǵysymyz sheksiz. Bul qarajatty úsh jyldan beri qurylysy aıaqtalmaı jatqan úıime jumsamaq nıettemin» deıdi ol.

Sonymen qatar «Qazsınk» JShS-iniń arnaıy marapaty sýǵa batyp bara jatqan 4 jastaǵy búldirshinge kómektesken semeılik 8 synyp oqýshysy Vıktor Novoselovke tapsyryldy. «Bul azamattar kezdeısoq jaǵdaıda, oılamaǵan jerden adamdarǵa qol ushyn sozǵan búgingi kúnniń batyrlary. Ásirese óz basyn qaterge tikken balalardyń qaısar áreketi bizdi tańǵaldyrdy. «Qazsınk» «Izgi júrek» syılyǵyn byltyr alǵash ret taǵaıyndaǵan bolatyn. Osy baǵyttaǵy jumystarymyzdy aldaǵy ýaqytta da jalǵastyramyz» deıdi «Qazsınk» JShS ákimshilik máseleler jónindegi atqarýshy dırektory Andreı Lazarev. 

О́SKEMEN

 

Sońǵy jańalyqtar

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar