Aımaqtar • 22 Shilde, 2019

Qurylys qarqynyn kúsheıtýdi tapsyrdy

151 ret kórsetildi

Premer-Mınıstr Asqar Mamın Túrkistan oblysyna jumys sapary barysynda Arys qalasyndaǵy zardap shekken úılerdi, áleýmettik nysandar men ınjenerlik jelilerdi qalpyna keltirý jumystarynyń barysyn tekserdi.

Úkimet basshysy Arys qala­syna apta saıyn kelip, jaǵdaıdy baqylaýda ustaıtynyn aıtqan bolatyn. Bul saparynda Premer-Mınıstr A.Mamın jáne Túrkistan oblysynyń ákimi О́.Shókeev aldymen Mańǵystaý oblysy men Saıram aýdanyna tıesili aýmaqta atqarylyp jatqan jumystardy kórip, turǵyndardyń talap-tilek­terin tyńdady. Atalǵan oblys pen aýdanǵa bekitilgen sektorda 331 úı bar. Onyń 279-yna jóndeý ju­mystary bastalǵan. Múldem ja­ramsyz bolyp qalǵan 4 úı súri­lip, ornyna jańasy salynbaq. Sektorǵa qarasty úılerdi 7 qury­lys kompanııasynyń 310 jumys­shysy 1-tamyzǵa deıin jóndep bitirmek. Búginde 102 úı tolyq jóndeýden ótip, 147 úıde qurylys jumystary júrgizilýde. Sondaı-aq Premer-Mınıstr Qostanaı oblysy men Saryaǵash aýdanyna qarasty 16-sektorǵa at basyn burdy. Qostanaı oblysynyń ákimi Arhımed Muhambetov qurylys jumystarynyń barysymen tanystyrdy. Asqar Uzaqbaıuly Almaty qalasyna tıesili 14-sektordaǵy turǵyn úılerdi de aralady. Munda 8 kompanııanyń 471 jumysshysy 487 úıge jóndeý jumystaryn júr­gizýde. Qaıta qalpyna kelti­rý jumystarymen tanysqan Úki­met basshysy qurylys jumys­tarynyń qarqynyn kúsheıtýdi tapsyrdy. Qaladaǵy barlyq jón­deý jumystarynyń 1-tamyzǵa deıin aıaqtalýy kerektigin aıtty. 

Qazir Arys qalasynda 1544 jekemenshik turǵyn úıde qurylys jumystary aıaqtalǵan, 7089 jeke turǵyn úıde jáne 96 kóp qabatty úıde qalpyna keltirý jáne jón­deý jumystary jalǵasýda. Son­daı-aq qurylys jumystary 126 jekemenshik úıde jáne 1 kóp qabatty úıde júrgizilýde. Áleý­mettik 66 nysannyń 62-si qal­pyna keltirilýde, jańa qur­y­lys 4 nysanda júrip jatyr. Qalpyna keltirý jumystaryna 207 kompanııa, 7073 jumysshy, 265 arnaıy tehnıka tartylǵan. Premer-Mınıstr sapar barysynda turǵyndarmen kezdesip, qalany qalpyna keltirý boıynsha jumystarǵa barlyq óńirler, ulttyq kompanııalar, elimizdiń iri bıznes ókilderi belsene qatysyp jatqanyn atap ótti. Jaýapty basshylarǵa zardap shekken bıznes nysandaryn, kólik jáne ın­je­nerlik ınfraqurylymdy qalpyna keltirý jumystarynyń qarqynyn tómendetpeýdi, densaýlyq saqtaý jáne bilim berý nysandaryn da­ıyndaý boıynsha keshendi sharalar qabyldaýdy tapsyrdy. 

Sondaı-aq Premer-Mınıstr Túr­kistan qalasynda bolyp, Q.A.Iаsaýı mýzeıi jáne «Áziret Sultan» memlekettik tarıhı-mádenı qoryq-mýzeıiniń sapar ortalyǵy qurylystarymen tanysty. Aýmaǵy 3200 sharshy metr bolatyn Qoja Ahmet Iаsaýı mýzeıi qurylysyn «Samuryq-Qazyna» kompanııasynyń tapsyrysymen «Bazıs-A» kompanııasy júrgizýde. Qurylys ju­mystaryn 2020 jyly aıaqtaý josparlanǵan. Atalǵan nysandardy jáne «Áziret Sultan» mem­lekettik tarıhı-mádenı qo­ryq-mýzeıi aýmaǵyndaǵy ta­rıhı-mádenı oryndardy zertteý, anyqtaý, qaıta qalpyna kel­tirý jumystary boıynsha Má­denıet jáne sport mınıstri Aq­toty Raıymqulova, al qaıta ja­ńartý jumystary boıynsha «Qazqaıtajańartý» RMK dırektory Asylhan Sádýov baıandady. «Áziret Sultan» tarıhı-má­denı qoryq-mýzeıine qarasty XI-XII ǵasyrlarǵa tán «Juma me­shiti» búginge deıin jetken 40 meshittiń biri sanalady. Me­shit ǵımaraty boıynsha mıh­rab­pen tolyq qalpyna keltirý, bas­tyrmaǵa japsarlas salyn­ǵan qabyrǵalardy demontajdaý, qudyqty qalpyna keltirý já­ne aýmaqty abattandyrý jumys­tary jasalmaq. «Qylýet» jeras­ty meshitin qalpyna keltirý ju­mystary aıasynda jerasty qury­ly­synyń kótergish qurylym­dary men irgetasyn nyǵaıtý, ishki úı-jaıdy qalpyna keltirý jáne irgeles aýmaqty abattandyrý josparlanǵan. «Jeti Ata» qaqpasynan kesenege deıingi aýmaqtyń panoramalyq túrin qalpyna keltirý maqsatynda ortalyq magıstraldy kóshelerdiń biri qaıta jańǵyrtylyp, «Darbaza», «Músállá» jáne «Jeti ata» qaqpalary da tarıhı qalypqa enbek. Arheologııalyq jumystardyń nátıjesinde irgetasy tabylǵan ortaǵasyrlyq kósheniń kireberis izderi men han ordasy qorshaýynyń negizgi fragmentteri qalpyna keltirilip, basqa qurylystardy izdestirý jumystary jalǵastyrylatyn bolady. Al Kúltóbe qalashyǵy ashyq aspan astyndaǵy mýzeıge aınaldyrylady. 

Premer-Mınıstr jumys sapary barysynda sonymen qatar, oblys ortalyǵynda boı kóterip jatqan stadıondy, oqýshylar saraıyn, halyqqa qyzmet kórsetý ortalyǵyn, medıaortalyq pen kongress-holl ǵımarattaryn, olımpıadalyq rezervtegi sport mektebin, mýzyka mektebin, basqa da birqatar mańyzdy nysandardy aralap kórdi. Tuńǵysh Prezıdent saıabaǵyn abattandyrý, kıeli shahardyń ortalyq bóligin rekonstrýksııalaý jumystarymen jáne arheologııalyq parktiń jobasymen tanysty.


Túrkistan oblysy
Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar