Rýhanııat • 24 Shilde, 2019

At ábzelderiniń sheberi

214 ret kórsetildi

Túrkistan óńirinde er-turmandy jasaýdaǵy sheberligimen ta­nyl­ǵan, ǵasyrlar boıy qalyp­tasqan qol­ónerdiń ǵa­jaıyp tehnologııasyn damytyp kele jatqan azamattar az emes. Su­rastyra qalsańyz, tul­par baptap, kókparǵa qy­zy­ǵatyndar maqtan ete aıtatyn, ıaǵnı elge ta­ny­mal sheberler bar­shylyq.

Mysaly, aǵa býyn arasyn­da Túrkistan qalasynyń tur­ǵy­ny Tasbolat Súıin­baev­ty ataıtyndar kóp. Onyń qo­lynan shyqqan at ábzelderi eń mártebeli degen qonaqtarǵa usynylatynyn, 1992 jyly Ordabasyda bas qosqan Qa­zaq­stan, Qyrǵyzstan jáne О́zbekstan prezıdentteri min­gen aqboz attardaǵy er-tur­mandar Tasbolattyń qolymen jasalǵanyn eske salatyndar da bar. Tólebı aýdanynyń turǵyny Qurbanáli Arys­tanbektiń er-turmanyn maq­taıtyndar da jeterlik. Al Maqtaaral, Jetisaı jáne Shar­­dara aýdandarynyń kók­par­­shylary men shabandozdaryna Atakentte turatyn sheber Baqyt Arapqulovtyń esimi jaq­sy tanys. Oǵan elimizdiń ózge óńirlerinen kelip tapsyrys berýshiler az emes eken. Sheber at ábzelderin úıinde ja­saıdy. Atalǵan ónerdi 25 jyldan beri kásip etip keledi. «Re­spýblıkalyq «Kókpar» fe­derasııasynyń prezıdenti, dańqty boksshy Muhtarhan Dil­dábekov ómirge kelgen óńir­­de ǵana emes, elimizde at spor­ty, qazaqtyń kókpar óne­ri damyp keledi. Báıgege qosa­tyn tulparlardyń at ábzel­deriniń kóz toıdyrar kór­kemdigi de kóp jaıtty bil­diredi. Iаǵnı at ıeleriniń tulparyna degen qamqorlyǵy men yqylasyn kórsetedi. Sondyqtan ár attyń toqymy, jeldigi, terligi, tartpasy, tuıaq­tyǵyna deıin ózine jarasymdy dızaınymen qonymdy, shap-shaq etip jasalady»,  deı­di sheber. 

Alǵashynda arqan órýden bastap, keıinnen noqta, bylǵarydan beldik, ózge de zattardy jasaı bas­taǵan sheber minip júrgen je­ńil kóligin satyp zamanaýı tigin mashınasyn satyp alǵan. Sodan beri jańasha dızaındardy qoldanyp, tynymsyz izdenis ústinde júretin sheberdiń aıtýynsha, órmeden jasalǵan taralǵy, júgen, noqtaǵa su­ranys kóp. Taza bylǵaryny ar­naıy tapsyryspen Reseıden alady eken. «Bir atqa shamamen 300-400 myń teńgege, tipti barlyq jab­dyǵy túgel bolsyn dese 500-600 myń teńgege deıin jabdyq kerek», deıdi Baqyt Arap­qulov. Sheber aldaǵy ýaqytta kásibin keńeıtip, qolynan is keletin 5-6 adamdy turaqty jumyspen qamtýdy josparlap otyr.

 

Túrkistan oblysy


Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar