Aksııalardyń tolyq ıesi atanady

Aıta ketken jón, «Inter RAO» óziniń Ekibastuz JES-2 stansasyndaǵy aksııalaryn na­ryqtyq sharttarda satyp jatyr. Degenmen, mámile quny keli­sim aıaqtalǵanǵa deıin jarııa etilmeıdi. Sondaı-aq buǵan deıin qorda bul stansanyń 50% aksııasy bolǵandyqtan, qalǵan aktıvterdi ıemdenýi qısyndy bolyp sanalady.

Mámileniń aıaqtalýy belgili sharttardyń oryndalýyna, onyń ishinde taraptardyń bas­qarý organdarynyń bul mámi­leni maquldaýyna, nesıe berý­shi bankterdiń EJESS-2 stan­sa­synyń aksıonerin aýys­tyrý­ǵa kelisimin alýyna jáne t.b. organdarǵa baılanys­ty. Sony­men qatar «Inter RAO» kompa­nııa­synyń EJESS-2 quramynan shyǵý týraly sheshimi negizgi naryq retinde Reseıde jumys is­teýge shoǵyrlanýǵa degen nıe­ti­men baılanysty bolǵanyn habar­lady. Ekibastuz JES-2 úle­sin satý jónindegi mámile aıaqtal­ǵan­nan keıin, «Inter RAO» AAQ-da Qazaqstanda aktıvteri bolmaıdy. Jaqyn arada Reseıde óndirýshi qondyrǵylardy modernızasııalaý iske qosylady, oǵan «Inter RAO» belsendi qatysýǵa nıet bildirip otyr.

«Samuryq-Qazyna» UÁQ» AQ aktıvi shamamen 67 mlrd dollardy quraıdy. «Samuryq-Qazyna» AQ kompanııalar tobyna munaı-gaz jáne kólik-logıs­tıka sektorlarynyń, hımııa jáne atom ónerkásipteriniń, taý-ken keshenderiniń, energetıka, mashına qurastyrý jáne jyljymaıtyn múlik salalarynyń kásiporyndary kiredi.

Al «Inter RAO» AAQ – Reseı­degi, sondaı-aq Eýropa men TMD elderindegi aktıvter­di bas­qaratyn reseılik energetı­kalyq kompanııa. «Inter RAO» elektr jáne jylý energııa­syn óndirý jáne satý, halyqara­lyq energetıkalyq saýda, ınjener­lik, energetıkalyq obektilerdi jobalaý jáne qurý úshin jaýap beredi.

Elektr qýatymen tolyq qamtyldy

Ulttyq elektr torabynyń aktıvterine ıelik etetin jáne bas­qaratyn «KEGOC» AQ «Pav­lodar energııa torabynyń Qazaq­stan Birtutas elektr energetı­kalyq júıesimen baılanysyn kú­sheıtý» jobasyn aıaqtady.

– Pavlodar oblysynyń áleý­mettik-ekonomıkalyq damýynda bul jobanyń atqaratyn mańyzy zor. Jobany júzege asyrý energııamen jabdyqtaýshy jáne energııa jetkizýshi kásiporyn­darǵa Pavlodar qalasy men ob­ly­synda qurylyp jatqan Bos ekonomıkalyq aımaqtardy elektr qýatymen qamtamasyz etý­ge kepildik berý múmkindigin tý­ǵyz­dy, – dedi О́ndiris jónin­degi basqarýshy dırektor B.Jazyqbaev.

Bul aımaqty Qazaqstan Res­pýb­lıkasynyń Birtutas elektr energetıkalyq júıesimen (BEJ) baılanystyratyn qoldanystaǵy elektr jetkizý jelilerine (EJJ) «Promyshlennaıa» qosalqy stansasy men Eýrazııalyq ener­getıkalyq korporasııa AQ ES («EEK») arasynda jańa 220 kVt EJJ salyndy. Sonymen qatar joba sheńberinde «Pavlodar» qosalqy stansasy 220 kV ker­neýine aýystyrylyp, qaıta quryldy. «EEK» AQ ES-de 220 kVt ATQ qaıta quryldy. 220 kVt kerneýli «EEK – «Pavlodar» QS – «Promyshlennaıa» QS – EEK» elektr jetkizý jelileri sheńberin qurýǵa múmkindik bergen basqa da energııa obektileri salyndy.

Pavlodar energııa toraby men BEJ-diń elektr baılanys­taryn kúsheıtý elektr stansalary jumysynyń, sonymen qatar aımaq tutynýshylaryn energııamen jabdyqtaý senimdili­gin birshama arttyrdy. Sondaı-aq Pavlodar TEO-1, 2, 3-tiń elektr energııasyn óndirýiniń ar­týy­na múmkindik týdy. Bul óz keze­ginde Pavlodar qalasynyń damyp kele jatqan ındýstrıaldy klasteriniń qajettilikteri úshin mańyzdy. Sonymen qatar Pavlodar energııa torabynyń qýat berý syzbasyna kiretin ÁJ-ni jóndeý jáne qyzmet kórsetý kestesin ýaqytynda oryndaý, Pavlodar energııa torabynyń energııa óndirýshi uıymdary (Pavlodar TEO – 1, 2, 3) úshin shekteý engizý qajettiligisiz olardy qosý múmkindigi mańyzdy fakt bolyp otyr.

Bir aıta keterligi, Pavlodar energııa toraby 600-650 MVt elektr qýatyn paıdalanǵannyń ózinde jalpy jıyntyq mólsheri 800 MVt kólemindegi elektr qýa­ty bolatyn, 150-220 MVt kóle­­mindegi artylǵan energııa qýa­tyn Qazaqstannyń BEJ-ne jó­nel­tetin. Qazaqstan BEJ-imen baılanys josparly jáne jeli­lerdiń apattyq ajyratýlary kezinde tıisti ótkizý qabi­le­tin jáne Pavlodar energııa tora­bynyń Qazaq­stan BEJ-i­men senimdi qatar­las jumysyn qam­ta­masyz ete al­maǵan 110 kV-tyq eki jeli ar­qyly júzege asyrylatyn.

 «Egemen-aqparat»