01 Tamyz, 2019

Aýǵan jastary Qazaqstanda bilim alady

181 ret kórsetildi

Aýǵanstannyń 40 áıel azamaty qazan aıynan bastap Qazaqstanda oqıdy. Eýropalyq odaq qarjylandyratyn bul bastama BUU Damý baǵdarlamasy men «Halyqaralyq baǵdarlamalar ortalyǵy» aksıonerlik qoǵamy arasyndaǵy seriktestik aıasynda júzege asyrylady.

Sheteldik stýdentter bıylǵy qazannan oqý jylynyń aıaǵyna deıin aldymen aǵylshyn tiliniń daıyndyq kýrstarynan ótedi. Aıta keteıik, oqý statıstıka (statistics), paıdaly qazbalar óndirý (mining) jáne aýyl sharýashylyǵy (agriculture) mamandyqtary boıynsha aǵylshyn tilinde júrgiziledi. Al negizgi oqýyn 2020 jyldyń qyrkúıeginen, ıaǵnı jańa oqý jylynan bastaıdy. Aýǵan stýdentteri Q.I.Sátpaev atyn­daǵy Qazaq ulttyq tehnıkalyq ýnıver­sıteti, Qazaq-Brıtan tehnıkalyq ýnıver­sıteti, Qazaq ulttyq agrarlyq ýnıversıteti jáne Almaty management university syndy respýb­lıkamyzdaǵy bedeldi joǵary oqý oryndaryna ornalastyrylady.

Bul is-shara BUU Damý baǵdarlamasy júzege asyratyn «Qazaqstan men О́zbek­standa bilim berý jáne kásibı daıarlaý ar­qyly aýǵan áıelderiniń ekonomıkalyq quqyqtary men múmkindikterin keńeıtý» jobasy sheńberinde júzege asyrylmaq. Jobaǵa qatysatyn 50 adamnyń 40-y bizde, qalǵan 10-y О́zbekstanda bilim alady.

Qazaqstandaǵy BUU Damý baǵdarlama­sy­nyń turaqty ókili Iаkýp Berısh «Eýro­pa­­lyq odaq aýǵan áıelderiniń bilim alý múm­kin­dikterin keńeıtýge, olarǵa jáne olar­­dyń Aýǵanstandaǵy qaýymdaryna bız­nes júrgizý men jumyspen qamtýdyń jańa múm­kin­dikterin qurýǵa kómektesýge arnal­ǵan jobaǵa 2 mln eýro kólemin­de grant usyn­dy», dedi. Sondaı-aq ol óz sózinde halyq­ara­lyq almasý baǵdar­lamalaryn qoldaý boıynsha eń úlken tájirıbesi bar Qazaq­­stan­daǵy seriktesi «Halyqaralyq baǵ­dar­­la­ma­­lar ortalyǵy» osy joba sheń­berin­de aýǵan stý­dentteri úshin akademııalyq orna­lasý men oqytý úderisin retke keltirýge kóme­k­te­setinine senetinin aıtqan. Al «Halyq­­ara­lyq baǵdarlamalar ortalyǵy» AQ pre­­zı­denti Janbolat Mel­deshov ynty­maq­­tas­tyqqa daıyn eke­nin jetkizgen. «Joba­­nyń iske asyrylýy­na qatysý bizge úlken abyroı. Bul – Eýroodaq pen BUU Damý baǵ­dar­lamasy tara­­py­nan bil­di­ril­gen joǵ­ary senim. Halyq­aralyq baǵ­dar­la­malar ortaly­­ǵy­­nyń halyqaralyq bilim berý salasyn­daǵy tájirıbesi kóp. Qazaq­standa Aýǵanstan áıelderiniń bilim alýy bo­ıyn­sha baǵdar­lamaǵa qujattar qabyldaý bas­t­aldy jáne 10 tamyzǵa deıin jalǵasa­dy. Bir­les­ken jumys oń nátıjelerge alyp keledi dep oılaımyn», dedi ortalyq basshysy.

Atalǵan ortalyq úmitkerlerdi irikteý, tildik kýrstardy júrgizý jáne oqý úde­risin uıymdastyrý boıynsha konkýrs ótkizýdi qosa alǵanda jobanyń iske asyrylýyna tehnıkalyq, saraptamalyq jáne taldamalyq qoldaý kórsetedi.

Sheteldik stýdentter bakalavrıat (4 jyl), magıstratýra (1 jyl) jáne kásibı daıarlyq (TVET – Technical and Vocational Education and Training) baǵdarlamalary bo­ıynsha bilim alady. Ortalyq taratqan aq­paratqa súıensek, TVET baǵdarlamasy qatysý­shylardyń odan ári qajetti bilim men daǵdylardy ıgerýine baǵyttalǵan bir jyl­dyq kýrstardy usynady. Akade­mııa­lyq baǵ­dar­lamalarǵa teorııalyq aspektilerdi tere­ńi­nen zertteý, sonymen qatar óndiriste tájirıbelik daǵdylardy alý jatady.

Aıdana ShOTBAIQYZY,

«Egemen Qazaqstan»

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar