Qoǵam • 12 Tamyz, 2019

Maýsymdyq allergııany jeńildetýdiń qandaı joldary bar

2742 ret kórsetildi

Jyl saıyn jaz aılarynda dárigerlerge maýsymdyq allergııaǵa shaǵymdanǵan adamdardyń sany kúrt kóbeıedi. Ásirese ósimdikter gúldeıtin shilde men qazan aılarynyń aralyǵynda allergııa sımptomdary órshı túsedi. Kóp jaǵdaıda kózi, murny men tamaǵy bitelip, ózin álsiz sezingen shaǵymdanýshylar tumaý kezindegi sımptomdardy sezinýi múmkin. Maýsymdyq allergııamen qalaı kúresýge bolady? Dárigerler ne deıdi?

Qazaqstanda allergııasy bar adamdar dárihanalardan dári-dármekti reseptisiz alýyna bolady. Bul týraly Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraıymy Lıýdmıla Buırabekova málimdedi.

«Buǵan deıin dári-dármekti satý jolyn kúsheıttik. Degenmen qazir allergııa maýsymy bolǵasyn turǵyndarǵa qolaıly jaǵdaı jasaý úshin jeńildettik. Endi turǵyndar keı dári-dármek túrin dárigerdiń ruqsatynsyz satyp alady» dedi L. Buırabekova. Bul allergııaǵa shaldyqqan adamdardyń jaǵdaıyn ýaqytsha jeńildetkenimen, aıyǵyp ketýine kómektespeıdi.

Mamandar der kezinde qaralyp, aýrýdyń aldyn alý kerek ekenin aıtady. Sebebi, allergııanyń sońy sozylmaly demikpege ulasyp ketýi múmkin. 

«Allergııany naqty qaı ósimdik týdyratynyn anyqtaý úshin laboratorııaǵa qan taldaýyn tapsyrý kerek. Mysaly shilde-tamyz aılarynda dalalyq ósimdikterden jýsan gúldeıdi, onyń  tozańy adamdardyń murnyna, kózine túsip allergııa týdyrady. Aýrýdyń órship turǵan kezinde eshqandaı em nátıjesin bermeıdi», deıdi dárigerler. «Tolyq emdi qys aılarynda alý kerek. Al qazir túshkirý, muryn bitelý, kózdiń jasaýraǵanyn ýaqytsha jeńildetýge bolady. Jalpy qysta emdelgen naýqas tolyǵymen aıyǵyp ketpeýi múmkin. Tek kelesi jazda allergııadan jeńil ótedi».    

Maýsymdyq allergııany jeńildetý úshin ne isteýge bolady?

Aıtpasa da túsinikti bolǵanymen, allergenderden qorǵaný – mamandar beretin eń alǵashqy keńes. Ol úshin tómendegi keńesterge kóńil bólińiz.  

  • Ystyq nemese jeldi kúni syrtqa shyqpaýǵa tyrysý kerek. Dalaǵa shyǵatyn eń qolaıly aýa raıy jańbyrdan keıin, jańbyr aýany tozańdardan tazartady.
  • Úıge kirgende syrtta kıgen kıimdi birden sheship, sýǵa túsý kerek. Osylaısha dene men shashqa qonǵan tozańdardy joıýǵa bolady.
  • Súlgi men tósek jaımalaryn syrtqa jaıýǵa bolmaıdy.
  • Túnde esik-terezeni jaýyp uıyqtaý kerek.
  • Aýada ósimdik tozańy eń kóp bolatyn kez tańerteń syrtta jumys istemeý kerek.
  • Úı bólmesindegi aýany taza ustaǵan jón. Edenderdi jýyp, tazartyp otyrý kerek.
  • Kólik pen úıde aýa kondısıonerin qosyp qoıýǵa bolady.
  • Kóp suıyqtyq ishý qajet. Sý, shyryn nemese ózge de sýsyndar muryn bitelgenin jeńildetedi. Shaı, sorpa nemese jyly suıyqtyqtar odan da jaqsy áreket etedi.
  • Úı ishindegi allergenderdi joıý úshin hımııalyq tazartqyshtardan góri sirke sýy nemese as sodasyn qoldanǵan jón. Hımııalyq zattar muryn joldaryn titirkendirip, sımptomdardy kúsheıtýi múmkin.
  • Temeki tútininen aýlaq bolý kerek. Aerozoldi spreı, otyn tútini de jaǵdaıdy ýshyqtyrady.
  • Úı jaǵdaıyndaǵy eń ońaı em – býmen ıngalıasııa jasaýǵa bolady. Bul áreket muryn men tynys joldaryn ashyp, allergııany jeńildetedi.
  • Baqsha jumystarymen aınalyspaý kerek. Múkin bolmaǵan jaǵdaıda tynys alý joldaryn qorǵaıtyn arnaıy maska satyp alýǵa bolady.
  • Ormandy jerde serýendemegen jón.

Osyndaı kishigirim áreketter maýsymdyq allergııany jeńildetýge kómektesedi. Alaıda dárigerler naqty sebebin anyqtaý úshin qan taldaýyn jasatyp, arnaıy em qabyldaý kerektigin aıtady.   

 

 

 

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar