Aımaqtar • 23 Tamyz, 2019

Shıelide aqmarjan bitik shyqty

39 ret kórsetildi

Qyzylorda oblysynyń Shıeli aýdanynda kúrish oraǵy bastaldy. Bestam aýylyndaǵy «Bestam eli» sharýa qojalyǵynyń alqabynda bastaý alǵan bıylǵy «Altyn oraq» merekesi shıelilik dıqandardyń basyn qosyp qana qoımaı, kórshiles Jańaqorǵan aýdany eginshilerin de qamtydy. Aýa raıy men egin egý tehnologııa­sy uqsas irgeles aýdandar bir-biriniń ozyq tájirıbelerin bólise otyryp, yntymaqty jumys uıym­das­ty­rýdy jalǵastyrýy qoldaýǵa turarlyq sharýa. Kúrish orý naýqanynyń bastalý sharasyna arnaıy qatysqan Parlament Senatynyń depýtaty Bekmyrza Elamanov osylaı deıdi.

Kúrish oraǵynyń bastalý rásiminde Shıeli aýdanynyń ákimi Áshim Orazbekuly bıylǵy aýylsharýashylyq jylynyń ereksheligi men ala jazdaı dala alqabynda tynymsyz eńbek etken dıqandardyń tolymdy eńbegine laıyqty baǵa bere otyryp, jıyn-terimniń sátti ótýin tiledi. Aýdan basshysy ár jyldyń ózindik kúrdeliligi bolaryn aıta kele, sol qıynshylyqtardy jeńý­de dıqandar qaýymynyń qa­jyrlylyǵy men beınetkesh­ti­gine súısinetinin jetkizdi. Sondaı-aq Jańaqorǵan aýdanynyń ákimi Ǵalym Ámireev, Shıeli aýdany qoǵamdyq keńes tóraǵasy Perdáli Arhabaevtar quttyqtaý sóz sóıledi. «Bestam eli» sharýa qojalyǵynyń tóraǵasy Baltash Qoshqarov jıyn-terimniń qysqa merzimde aıaqtalaryna ýáde berip, áriptesterine qyrmandarynyń dóńde bolýyna tilek aıtty.

Bıyl Shıeli aýdanynyń egin­shileri 12 475 gektar kólemge baıyrǵy daqyl syr salysyn ornalastyrsa, mamandardyń boljamynsha onyń 70 paıyzdan astamy joǵary ónim berýge laıyq. Sondaı-aq «Aqmaıa», «Tóńkeris-K», «Bıdaıkól» sekildi irgeli sharýashylyqtar mol ónim alýǵa sapaly jumys uıymdastyra bildi. Munan ózge jańa jáne eski jońyshqa kólemi 9 myń gektardyń ústinde. Kúrish oraǵy men jońyshqa shóbin daıyndaý jumystary qatar júrgizile beretindikten túrli kombaındar men qajetti tehnıkalardyń saqadaı saı bolýy eńbek ónimdiligin arttyrary sózsiz. Munyń aldyn ala jasalǵan josparǵa saı ekenin sharýashylyq tóraǵalary men aýdandyq aýylsharýashylyq bólimi mamandarymen pikirlesý barysynda kóz jetkizdik. Taǵy da aıtar nárse, baqsha, kók­ónis ónimderin jınaý ju­mystary da Shıeli aýdanynda uıymshyldyqpen atqarylyp kele jatqany. Bul daqyldar kólemi 2 myń gektarǵa taıaý. Iаǵnı, dala akademıgi atanǵan, eki márte Eńbek Eri Ybyraı ata Jaqaevtyń izbasar jerlesteri eginshilik salasynyń mánin ortaıtpaı qyzý jumys ústinde ekendigi kópke úlgi bolarlyq. Bul týraly belgili aıtys aqyndary Kenjebaı Júsipov pen Erjan Ámir kesteli sózben oı órnektedi.

Kombaındar kúrish alqabynda zyrǵı jónelgende mundaǵy astyqtyń bitiktigine súısingen ardagerler aq batalaryn berip jatty. Al qojalyq ujymdary egis oraǵyna qatysýshylarǵa ar­nap aq dastarqan jaıyp, qo­naqtarǵa dám-tuzyn usyndy. Aýdandyq mádenıet bóliminiń óner­pazdary óz ónerlerimen kel­gen meımandardyń men eginshi­ler­diń kóńilin serpiltti.

 

Nurmahan ELTAI

 

Qyzylorda oblysy,

Shıeli aýdany

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar