Parlament • 10 Jeltoqsan, 2019

«О́ńir» depýtattyq tobynyń Qaraǵandy oblysynda kóshpeli otyrysy boldy

24 ret kórsetildi

Senattyń «О́ńir» depýtattyq toby «Qaraǵandy oblysyndaǵy ónerkásip kásiporyndarynyń óndiris úderisterin sıfrlandyrý úlgisi» taqyryby boıynsha Qaraǵandy oblysynda kóshpeli otyrys ótkizdi. Bul týraly Parlament Senatynyń baspasóz qyzmeti habarlady.

Sharaǵa Senat depýtattary – depýtattyq toptyń músheleri Mıhaıl Bortnık, Muratbaı Joldasbaev, Sergeı Ershov, Rashıt Ákimov, Erbolat Muqaev, Sergeı Plotnıkov, Erik Sultanov, Qaraǵandy oblysynyń ákimi Jeńis Qasymbek, sıfrlyq damý, ınnovasııa jáne aeroǵarysh ónerkásibi mınıstriniń orynbasary Ablaıhan Ospanov, ındýstrııa jáne ınfraqurylymdyq damý mınıstriniń orynbasary Amanııaz Erjanov, oblystyq máslıhat depýtattary jáne kásipkerler qatysty.

Sharany ashqan «О́ńir» depýtattyq tobynyń jetekshisi Mıhaıl Bortnık Memleket basshysynyń ekonomıkany odan ári sıfrlandyrý boıynsha mindet qoıǵanyn eske sala otyryp: «Sıfrlandyrý - kásiporyndar men jalpy el ekonomıkasynyń básekege qabilettiligin qamtamasyz etýdiń mańyzdy sharty. Odan ári ósý sıfrlandyrý qarqynyn jedeldetýge, ekonomıkanyń barlyq sektorlarynda sıfrlyq quraldardy belsendi engizýge baılanysty», dedi.

Senator Qaraǵandy oblysy sandyq tehnologııalardy engizýde aıtarlyqtaı jetistikterge qol jetkizgen jetekshi ındýstrııalyq aımaq ekenin atap ótti.

Qazaqstan Respýblıkasynyń ındýstrııa jáne ınfraqurylymdyq damý mınıstriniń orynbasary A.Erjanov taý-ken ónerkásibiniń júıe quraýshy kásiporyndaryn sıfrlandyrý aıasynda 283,3 mlrd teńge somasyna 53 jobany júzege asyrý josparlanǵanyn, onyń ishinde 59,1 mlrd teńgege 22 joba iske asqanyn, 31 jobany aıaqtaý kózdelip otyrǵanyna toqtaldy.

«Qazaqmys korporasııasy», «Altynalmas AK», «Eurasian Foods Corporation» aksıonerlik qoǵamdarynyń basshylary atalǵan kásiporyndarda sıfrlandyrýdyń joǵary deńgeıine qol jetkenin aıtty, bul óndiris prosesterin aıtarlyqtaı ońtaılandyrýǵa múmkindik berdi.

Senatorlar S.Ershov pen E.Sultanov ekonomıkanyń tıimdiligi men ulttyq ekonomıkanyń básekege qabilettiligin arttyrý maqsatynda barlyq salalardy odan ári sıfrlandyrýdyń mańyzdy ekenine nazar aýdardy.

Senatorlar kóshpeli otyrys aıasynda «Bemer armatýra», «Recycling Company», «Eurasian foods», «Maker» kásiporyndarynda bolyp, óndiris prosesterine sandyq tehnologııalardy engizý barysymen tanysty.

Otyrys qorytyndysy boıynsha usynymdar qabyldanyp, elimizdiń Úkimetine, ortalyq jáne jergilikti atqarýshy organdarǵa jiberiletin boldy.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar