Rýhanııat • 25 Jeltoqsan, 2019

Kúlki kerýeni № 31

4266 ret kórsetildi

BIRDE...

N.S.Hrýshev alqapqa shyǵyp, sharýalardyń qalaı jumys isteıtinin qarap kórmek bolyp sheshti. Shalǵyshyǵa kelip, onyń jumysyn baqylap turyp bylaı deıdi:

– Sende paıdalanylmaǵan rezervter bar ǵoı! Sen shalǵymen shóp shapqanda, ol keri qaraı bos qaıtady. Ekinshi jaǵyna qaraıtyn taǵy bir júz istep al, sonda jumysyń eki ese ónimdi bolady...

N.S.Hrýshev biraz ýaqyttan keıin alqapqa qaıtadan shyǵyp, sharýanyń eki júzdi shalǵymen shaýyp jatqanyn kóredi. Biraz syrtynan baqylap turyp, jaqyndap kelip, bylaı deıdi:

– Baıqap tursam, sende taǵy bir resýrs bar! Shópti shapqannan keıin, saǵan ony jınaýǵa týra keledi ǵoı?

Endeshe bylaı, arǵy jaǵyńa tyrma baılap al, sonda qaıtyp oralýdyń qajeti bolmaıdy...

Kelesi kúni N.S.Hrýshev qaıtadan alqapqa keledi. Sharýanyń artyna tyrma baılap alyp, eki júzdi shalǵymen shóp shaýyp jatqanyn kóredi. Sharýa Hrýshevti kórip qalyp qashyp baryp, butanyń túbine tyǵylyp qalmaq bolady. Hrýshev ony qýyp jetip suraıdy:

–  Sen menen nege qashasyń?

 Sharýa bylaı dep jaýap beredi:

– Bilemin, bilemin, Nıkıta Sergeevıch, maǵan ne aıtatynyńdy: paıdalanylmaǵan múmkindik bar – mańdaıyńa fonar baılap al da, kúndiz-túni shaba ber degeli tursyz ǵoı.

***

Amerıkandyqtar Aıǵa baryp qonǵanda, Brejnev ǵaryshkerlerdi Kremlge shaqyryp alyp: «Amerıkandyqtar Aıǵa qondy, biz qaıtken kúnde de olardan asyp túsýimiz kerek! Sondyqtan, daıyndalyńyzdar, sizderdi Kúnge ushyramyz», degende ǵaryshker: «Ne tapsyrmańyz bolsa da oryndaýǵa barmyz, biraq... Kúnge degenińiz... kúıip-janyp ketemiz ǵoı!» – dep kúmiljıdi. Sonda Bas hatshy: «Sizder ne, munda óńkeı aqymaqtar otyr dep oılaısyzdar ma? Sizder kúndiz emes, túnde ushasyzdar!» – depti.   

***

Fransýz aktrısasy Sara Bernar birde, bir pesada qaıyrshy rólin oınap turyp monologty myna sózben aıaqtaıdy:

 – Jaratqan ıem, joqshylyqtan nár syzbaǵan basym dármen quryp qulaýǵa shaq qaldym- aý!

Sara Bernar bul sózdi aıtyp bolyp bilegine qarasa, qara basyp altyn brasletin sheship tastaýdy umytyp ketipti. Kórermenniń biri:

 – Brasletińizdi satyńyz! – dep aıqaı salypty. Sonda aktrısa tapqyrlyq tanytyp:

 – Satqym-aq kelgen, anturǵan ol da jasandy bolyp shyqty emes pe, – depti.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar