Qoǵam • 06 Qańtar, 2020

Májilistiń bir top depýtaty Qostanaıǵa bardy

39 ret kórsetildi

Búgin Parlament Májilisiniń depýtattary - Álııa Saparova, Ivan Klımenko, Irına Aronova, Qýanysh Sultanov jáne Albert Raý Qostanaı oblysyna jumys saparymen bardy.

Qazaqparat tilshisiniń habarlaýynsha, májilismenderdiń jumys toby áýeli oblystyń partııa belsendilerimen kezdesken. Jıynda eldi mekenderdi ońtaılandyrý, áleýmettik járdemaqy tóleýdiń jańa júıesi jáne áleýmettik kómek paketi sóz bolǵan. Sonymen qatar Jastar jylynyń qorytyndylary týraly da aqparat berilgen.

Depýtattar Qostanaı qalasynyń belsendi jastarymen de kezdesti. Basqosý barysynda, ásirese, oblystaǵy jastar saıasatyn damytý salasyndaǵy eń ózekti máseleler anyqtaldy. Usynystar men pikirler depýtattar nazaryna alyndy.

Irına Aronova Parlament jumysy barynsha ashyq ekenin atap ótti.

«О́tken jyldan bastap naqty ýaqyt rejiminde jumys toptarynyń otyrysy ótip jatyr. Depýtattyq saýaldardy qalyptastyrýda oblystyq jáne aýdandyq máslıhattarǵa erekshe ról bólingen. Bul rette Qostanaı oblysynyń Parlamentpen ózara is-qımyl bóligindegi jumysy respýblıkadaǵy eń úzdikterdiń biri dep tanyldy» dedi depýtat.

Sapar aıasynda depýtattar oblystyń shalǵaı aýyldaryn aralaýǵa bekinip otyr.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar