Saıasat • 13 Qańtar, 2020

Salyq raqymshylyǵy – onyń alǵashqy nátıjeleri jarııa etildi

31 ret kórsetildi

Prezıdent janyndaǵy Ortalyq kommýnıkasııalar qyzmetinde Qarjy mınıstriniń birinshi orynbasary Berik Sholpanqulov shaǵyn jáne orta bıznes pen jeke tulǵalar úshin salyqtyq raqymshylyq jasaý nátıjeleri týraly málimdedi.

Onyń aıtýynsha, Qarjy mı­nıstrligi zańnamaǵa túzetýler en­giz­ip, tıisti ishki normatıvtik qu­­qyq­­tyq aktiler ázirledi, sonyń ne­­gi­­zinde bıyl shaǵyn já­ne orta bıznes sýbektileri úshin, sondaı-aq jeke tulǵalar úshin salyqtyq raqymshylyq jasaldy.

B.Sholpanqulov eske salyp ót­kendeı, 2018 jyldyń 1 qa­za­­nyn­d­aǵy jaǵdaı boıynsha bere­­shegi bar salyq tóleýshiler ra­qym­­shylyq naýqanyna iligip, óteý kezinde eseptelgen ósimpul­dar men aıyppuldar esepten shyǵarylady.

Salyqtyq raqymshylyq qorytyndysy boıynsha, jalpy respýblıka deńgeıinde 8,3 mlrd teńge somasyna bereshegi bar 41 183 salyq tóleýshiniń qaryzy óteldi. Bul rette esepten shyǵarylǵan ósimaqylar men aıyppul somasy 2,9 mlrd teńgeni qurady, dep atap ótti Qarjy mınıstriniń birinshi orynbasary.

2018 jylǵy 1 qazandaǵy ja­ǵ­daı boıynsha salyqtyq tek­serý­lerdiń nátıjeleri týraly habar­lamaǵa shaǵym jasaý­ǵa baılanys­ty bereshegi anyqtal­maǵan salyq tóleýshiler raqym­shylyqqa ilikti.

Sonymen qatar bıyl tamyzdan bastap salyq zańnamasyn buzǵan, alaıda ony óz betinshe joıǵan jáne 2018 jyldyń 1 qazanyna deıin tóleý merzimimen ótken salyq kezeńderi úshin qosymsha salyq eseptiligin usynǵan salyq tóleýshilerge de raqymshylyq jasalady.

Nátıjesinde 3 214 salyq tó­leýshi amnıstııany paıdalandy, olar 10,1 mlrd teńge bereshekti tólegen. Olardyń moınyndaǵy 3,6 mlrd teńge kólemindegi aıyp­puldary men ósimaqylary esepten shyǵaryldy.

«Osylaısha, salyqtyq ra­qym­shylyqty qoldanǵan salyq tóleýshilerdiń jalpy sany – 44 397. Tólengen bereshek 18,4 mlrd teńgeni, al esepten shyǵarylǵan ósimaqylar men aıyppuldar 6,5 mlrd teńgeni qurady» dep túıindedi B.Sholpanqulov.

Tamyz aıynda Qarjy mı­nıstrligi jeke tulǵalar úshin salyqtyq raqymshylyq jarııalady, ol azamattarǵa ótken jyl­dardaǵy salyq mindettemeleri boıynsha negizgi borysh somasyn tóleýge múmkindik berdi.

B.Sholpanqulovtyń aıtýynsha, 2019 jylǵy 1 qańtardaǵy jaǵdaı boıynsha salyq bereshegi bar jeke tulǵalardyń sany 1,4 mln adamdy qurady, olardyń negizgi qaryz boıynsha 13,9 mlrd teńge jáne eseptelgen ósimaqy 6,3 mlrd teńge boldy.

Jeke tulǵalar boryshtary­nyń eń kóp somasy kólik quraldaryna salynatyn salyqqa qatysty boldy. Bul 10,1 mlrd teńgeni nemese jalpy somanyń 73%-yn quraıdy.

Múlik salyǵy boıynsha boryshtar somasy 1,6 mlrd teńgeni nemese 11,5%-dy, jeke tabys salyǵy boıynsha – 1,2 mlrd teńgeni nemese 8,6%-dy jáne jer salyǵy boıynsha – 617 mln teńgeni nemese 4,3%-dy qurady.

Túsindirý jumystarynyń nátıjesi boıynsha 672 530 jeke tulǵa 14,6 mlrd teńge kóleminde óz qaryzyn tóledi, olar úshin 2,8 mlrd teńge kóleminde ósimpul esepten shyǵaryldy.

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

Uqsas jańalyqtar