Rýhanııat • 14 Qańtar, 2020

Elordalyq zııalylar Abaı shyǵarmashylyǵyn talqylady

61 ret kórsetildi

«Rýhanı jańǵyrý» baǵdarlamasy aıasynda jáne Abaı Qunanbaıulynyń týǵanyna 175 jyl tolýyna oraı Dostyq úıinde Nur-Sultan qalasy JOO ǵalymdary, QHA Ǵylymı keńes jáne elordalyq etnomádenı ortalyqtardyń músheleriniń qatysýymen «Abaı – aqyn, oıshyl, aýdarmashy» atty ǵylymı semınar ótti. Bul týraly Nur-Sultan qalasy ákimdiginiń baspasóz qyzmeti habarlady.


Jıyn barysynda sóz sóılegen Qazaqstan halqy Assambleıasy hatshylyǵynyń meńgerýshisi Lázzat Qusaıynova memleket basshysynyń «Abaı jáne XXI ǵasyrdaǵy Qazaqstan» maqalasynyń jurtshylyqtyń kóńilinen shyǵyp, qoldaýǵa ıe bolǵandyǵyn atap ótti.

«2020 jyly Qazaqstan halqy Assambleıasynyń «Qazaqtaný» jobasy aıasynda oıshyl, rýhanı ustazymyz Uly Abaıdyń 175 jyldyǵy atalyp ótiledi. Abaı fılosofııasy qazirgi ýaqytqa deıin ózektiligin joǵaltqan joq. Bizdiń qoǵam múshelerin gýmanıstik tárbıeleýge baǵyttady. «Ǵylym jolyna jetkenshe – maqtanba» jáne «Eń aldymen adam bolyp qalý qajet» dep bizdiń rýhanı ustazymyz adamgershilikke shaqyrdy» dedi ol.

Sondaı-aq tarıh ǵylymdarynyń doktory, professor Marat Ábsemetov rýhanı jańǵyrý, órleýdiń negizi Abaı shyǵarmashylyǵy ekenin tilge tıek etti.

«Biz úshin rýhtyń bıigi – Abaı!  Qazir elimizde qaı jaǵynan alsaq ta ósý bar. Bizge rýhanı kóterilý qajet, oǵan negiz bolatyn –Abaı. 1914 jyly Semeıde aqynnyń qaıtys bolýynyń 10 jyldyǵyna oraı ádebı kesh ótti. Sonda Mirjaqyp Dýlatov: «Únemi bul kúıde turmas, halyq aǵarar, óner-bilimge qanar, sol kúnderde Abaı qurmeti kúnnen- kúnge artar. «Birinshi aqynymyz» dep qabirin halqy jıi-jıi zııarat eter, halyq pen Abaı arasy kúshti mahabbatpen jalǵasar. Ol kúnderdi biz kórmespiz, biraq bizdiń rýhymyz sezer, qýanar...» dep aıtypty. Alash ardaqtysynyń sózi aınymaı keldi...» dep professor jınalǵan jastardyń boıyna rýh syılady.

Sondaı-aq shara barysynda «Abaı shyǵarmalaryn aýdarýdaǵy úndestik», Abaı shyǵarmashylyǵynda kezdesetin «Adam» konseptisi», «Abaı-aýdarmashy» taqyryptary qozǵaldy. Odan bólek,  QHA ǵylymı-saraptama tobynyń tóraǵasy Halıl Maslov, S. Seıfýllın atyndaǵy Qazaq agrotehnıkalyq ýnıversıteti, f.ǵ.k., dosent Marjan Akosheva, «Turan» bilim berý korporasııasynyń vıse-prezıdenti Oraq Álıev uly oıshyldyń fılosofııalyq oı-tujyrymdary men shyǵarmalaryndaǵy parasatty oılardy jan-jaqty saralaǵan baıandama jasady.


Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Uqsas jańalyqtar