Parlament • 14 Qańtar, 2020

Qanatbek Safınov Batys Qazaqstan oblysynda boldy

84 ret kórsetildi

Qazaqstan Respýblıkasy Parlamenti Senatynyń depýtaty Qanatbek Safınov Batys Qazaqstan oblysynda jumys babyndaǵy saparda boldy. Bul týraly Parlament Senatynyń baspasóz qyzmeti habarlady.

Senator munaı kompanııasynyń qyzmetkerlerimen kezdesý barysynda «Jer qoınaýy jáne jer qoınaýyn paıdalaný týraly» kodekstiń erejelerin qoldaný máselelerine toqtaldy. Kompanııa ókilderi jer qoınaýyn paıdalanýǵa arnalǵan kelisim-shartqa tolyqtyrýlarǵa qol qoıý kezinde quzyretti organnyń sheshim qabyldaý tártibin ońaılatý jáne oǵan «Memlekettik kórsetiletin qyzmetter týraly» zańnyń erejelerin osy rásimderge qoldaný múmkindigi jónindegi usynysty jarııa etti. Áınekti ónerkásiptik turǵyda qaıta óńdeıtin mamandandyrylǵan kásiporynda bolý kezinde zaýyt eńbekkerleri senatorǵa jylyjaı keshenderine jergilikti áınekti satyp alýǵa múmkindik beretin zań erejelerin qabyldaýdy qarastyrý týraly usynys aıtty.

Depýtattyń Báıterek aýdanyndaǵy Mıchýrın jalpy orta bilim beretin mektep-baqshasynyń muǵalimderimen kezdesýinde «Pedagog mártebesi týraly» zań talqyǵa salyndy. Senator pedagogtardyń quqyqtaryn keńeıtý, áleýmettik kepildikteri jáne oqýshy men muǵalimderge júktemeni qysqartý týraly áńgimeledi. Báıterek aýdandyq №2 aýrýhanasynyń medısına qyzmetkerlerimen kezdesý barysynda Qanatbek Safınov medısınalyq qyzmet kórsetýdiń úsh deńgeıli jańa júıesiniń erekshelikterine nazar aýdardy.

Depýtat jumys sapary aıasynda úı qurylysy kombınatynyń jumysymen tanysyp, kásiporynnyń eńbek ujymymen áńgimelesti. Kezdesýge qatysýshylar eski úılerdi aýystyrý jáne úı qurylysy kombınatynyń jumysynda jergilikti paıdaly qatty qazbalardy paıdalaný máselesin kóterdi.

1

Temirtaý qalalyq ańshylar men balyqshylar qoǵamynyń ókilderimen kezdesýde joǵarǵy palata depýtaty shaǵyn jáne orta bıznesti qoldaý máselelerin talqylady. Áńgime barysynda memlekettik-jekeshelik áriptestik tetigi negizinde ınvestısııa tartý arqyly tabıǵatty qorǵaýdy kúsheıtý máseleleri qaraldy.

Senatorlar Qanatbek Safınov pen Lázzat Súleımenniń qorytyndy kezdesýi «Atameken» kásipkerler palatasy alańynda «Kazenergy» qaýymdastyǵy men jergilikti atqarýshy organdar ókilderiniń qatysýymen boldy. Sharada jer qoınaýyn paıdalanýdy retteý máseleleri jáne osy saladaǵy daýlardy sheshý tártibi talqylandy.

Senator sonymen qatar azamattardyń shaǵymdaryn qabyldady jáne olar ýákiletti memlekettik organdarǵa jiberiletin boldy.

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Uqsas jańalyqtar