Qazaqstan • 21 Qańtar, 2020

Qazaqstan Berlındegi halyqaralyq azyq-túlik kórmesine qatysyp jatyr

22 ret kórsetildi

Aýyl sharýashylyǵy mınıstrliginiń birinshi vıse-mınıstri Aıdarbek Saparov bastaǵan qazaqstandyq delegasııa Berlınde ótken International Green Week 2020 halyqaralyq azyq-túlik kórmesiniń ashylý rásimine qatysty. Bul týraly mınıstrliktiń baspasóz qyzmeti habarlady.

Delegasııa quramyna Aýyl sharýashylyǵy mınıstrliginiń, Aqmola, Soltústik Qazaqstan jáne Qaraǵandy oblystary ákimdikteriniń ókilderi kirdi.

Is-sapar aıasynda A.Saparov Germanııanyń Federaldyq Azyq-túlik jáne aýyl sharýashylyǵy mınıstrliginiń parlamenttik stats-hatshysy Ýve Feılermen, GFR Aýyl sharýashylyǵy mınıstrliginiń (BMEL) ókilderimen, Estonııa, Rýmynııa jáne Monǵolııa Aýyl sharýashylyǵy mınıstrlerimen, Germanııa fermerleri qaýymdastyǵynyń basshysymen, sondaı-aq, CLAAS kompanııasy jáne «Qazaqstan-German agrarlyq-saıası dıalog» eki jaqty kooperasııalyq jobasynyń jańa quramymen kezdesýler ótkizdi.

Ýve Feılermen kezdesý barysynda eki el arasyndaǵy sútti mal sharýashylyǵyn damytý baǵytyndaǵy yntymaqtastyqty arttyrý jáne Qazaqstanǵa ınvestısııalar men jańa tehnologııalardy tartý máseleleri qozǵaldy.

«Biz nemis kompanııalarymen, olardyń ishindegi biz úshin negizgi seriktes bolyp otyrǵan CLAAS kompanııasy ókilderimen birqatar kezdesý ótkizdik. Qazir Qazaqstanda Germanııamen birlesken kásiporyn ashý jumystary júrgizilýde. Bul jumystardy jedeldetý qajet. Nemis konserni ókilderimen kezdesý qorytyndysy boıynsha atalmysh kompanııa ókilderiniń Qazaqstanǵa kelip, aýyl sharýashylyǵy salasyna jetekshilik etetin Premer-Mınıstrdiń orynbasarymen kezdesý ótkizetini týraly kelistik», - dedi Aıdarbek Saparov.

p
A.Saparovtyń aıtýynsha, qazaqstandyq aýyl sharýashylyǵy taýarlaryn óndirýshilerge Germanııadaǵy sútti mal sharýashylyǵyn damytý tájirıbesi, fermalardy basqarýdaǵy menedjment, zamanaýı keshendi júıelerdi paıdalaný jáne ózge de salalarda tájirıbe almasý paıdaly bolady.

Sondaı-aq ol GFR Aýyl sharýashylyǵy mınıstrligi ókilderimen kezdesýiniń qorytyndysy boıynsha Germanııadaǵy sońǵy zamanaýı tehnologııalar men robottar engizilgen sharýa qojalyqtaryna jáne saýý qondyrǵylaryn shyǵaratyn zaýyttarǵa baryp kórý arqyly tájirıbe almasý múmkindigine qol jetkizgendigi týraly aıtty.

Halyqaralyq kórme joǵary deńgeıde uıymdastyrylǵanyn aıta kele, Aıdarbek Seıpeluly kelesi jyly Qazaqstan kórme aıasynda óz pavılonyn usynyp, úzdik qazaqstandyq aýyl sharýashylyǵy ónimderin kórsetý josparlanyp otyrǵanyn jetkizdi.

О́z kezeginde Germanııanyń Federaldyq Azyq-túlik jáne aýyl sharýashylyǵy mınıstrliginiń parlamenttik stats-hatshysy Ýve Feıler qazaqstandyq tarapqa kórmege qatysýǵa shaqyrýdy qabyl alǵany úshin alǵysyn bildirdi.

«О́tken jyldyń jeltoqsan aıynda mınıstr Saparhan Omarovpen kezdestik. Bizde tolyq ózara túsinistik paıda boldy. Qazir osy baǵyttaǵy bastaǵan jumysty tıimdi jalǵastyrý mańyzdy. Bizdiń mınıstrlik barlyq suraqtaryńyz ben usynystaryńyzǵa árqashan jaýap berýge daıyn», - dedi Ýve Feıler.

«International Green Week 2020» azyq-túlik ónerkásibi, baǵbandyq, aýyl jáne orman sharýashylyǵynyń halyqaralyq saýda kórmesi bıyl 85-shi ret ótkizilýde. Osy jylǵy kórmege 72 el men 11 halyqaralyq uıym qatysty.
Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Uqsas jańalyqtar