Aımaqtar • 21 Qańtar, 2020

Tarazdy túrlendiretin tyń jobalar qandaı?

44 ret kórsetildi

Byltyr Jambyl oblysynyń 80 jyldyǵyna oraı Taraz qalasynda birqatar nysandar ashylyp, kópshiliktiń kózaıymyna aınalǵan edi. «Kóne Taraz» ben «Tekturmas» keshenderi, «Saǵat» stellasy, «Áýlıeata» eskertkishi jáne taǵy da basqa shahardyń sáýletin arttyratyn jobalar máńgi el esinde qaldy.

Eki myń jyldan astam tarıhy bar shahardyń shyraıyn arttyratyn jobalar aǵymdaǵy jyly da jalǵasatyn bolady. Búgin Jambyl oblysynyń ákimi Asqar Myrzahmetov qala qurylysynyń keńesin ótkizip, jınalǵandar osy máseleni talqylady.

Jıynda aǵymdaǵy jyly atqarylatyn jumystar legi saralandy. Máselen Taraz qalasynyń jańa 15-shaǵyn aýdanyńda aldaǵy ýaqytta Saltanat saraıy, Oqýshylar saraıy, Jeńil atletıka maneji, Neke qııý saraıy taǵy da basqa nysandar boı kóteredi.

Jıynda qazirgi tańda tıisti qujattardyń daıyndalyp jatqany aıtyldy. Sonymen qatar, basqosý barysynda Mamyr, Ortalyq saıabaqtaryn abattandyrý jumystarynyń jobalary da qaralyp, naqtylandy.

Taraz qalasynyń kórikti jerlerinen sanalatyn Talas ózeniniń boıynan demalys jaǵajaıy, qala mańynan jasyl beldeý salý máseleleri de nazarǵa alyndy. Sondaı-aq, bıyl «Tekturmas», «Kóne Taraz» keshenderiniń ekinshi kezeńderi de júzege asatyn bolady. Bul máseleler boıynsha Asqar Myrzahmetov tıisti tulǵalarǵa naqty tapsyrmalar berdi. Qala qurylysynyń keńesi aldaǵy ýaqytta da turaqty túrde ótip, josparly sharalardyń oryndalý jaıy baqylaýda bolady.

 

Jambyl oblysy

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar