Kásipqoı boks • 28 Qańtar, 2020

Boksshylar Ammanda irikteledi

227 ret kórsetildi

Bokstan Tokıo Olımpıadasyna joldama beretin týrnır naýryz aıynda Iordanııanyń Amman qalasynda ótetin boldy. Bul týraly UOK baspa­sóz qyzmeti habarlady.

Jýyrda Halyqaralyq Olımpıada komıtetiniń jumys toby jáne Qytaıdyń Olımpıada komıteti 3-14 aqpanda Qytaıdyń Ýhan qalasynda ótýi tıis bolǵan týrnırdi atalǵan aımaqta koronavırýstyń taralýy­na baılanysty keıinge shegergen bolatyn. Túrli nusqalardy qarastyrǵan jumys toby irikteý dodasyna qarqyndy daıyndalyp jatqan sportshylarǵa yńǵaıly bolý úshin Iordanııa Ulttyq Olımpıadalyq komıtetiniń ótinimin maquldady.

Osylaısha, bokstan Azııa jáne Tynyq muhıt aımaǵy elderi Tokıo Olımpıa­dasy­nyń joldamasyn 3-11 naýryz aralyǵynda Iorda­nııanyń bas shahary – Amman qala­synda sarapqa salady.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar