Aımaqtar • 29 Qańtar, 2020

Sabaq toqtady, joldar jabyldy

64 ret kórsetildi

Aq tútek boran, qalyń qar elimizdiń ózge óńirlerimen qatar Shyǵys jurtyn da áýre-sarsańǵa salyp qoıdy. Keshe oblystyń Semeı, Kýr­chatov qalalary men Ulan aýdanynyń birqatar mektepterinde sabaq toqtatyldy. Ulan aýdanynyń 4 aýylynda birinshi aýysymnyń 1-9, aýdan bo­ıynsha ekinshi aýysymnyń 1-9, Kýrchatovta birinshi aýysymnyń 1-9 jáne Semeıde ekinshi aýysymnyń 1-4-synyp oqýshy­lary mektep­ke bara almady.

О́ńirde aýa raıynyń qolaısyz­dyǵyna baılanysty tas joldar da birinen soń biri jabylýda. Sonyń kesirinen jolda qalǵan jolaýshy kóp. Máselen, 17-18 qańtar kúnderi Glý­bokoe aýdanyndaǵy Berezovka aýy­ly arqyly ótetin tas joldyń jaby­lýyna baılanysty 20 adam Bere­zovka orta mektebindegi jylytý pýnktterine jetkizildi. Al 25 qańtarda «Aıagóz-Almaty» tas joly jabylyp, Semeı-Maqanshy, Semeı-Barlyqarasan, Semeı-Taldyqorǵan baǵyttarynda júretin avtobýstar Aıagózde toq­taýǵa májbúr boldy. On­daǵy 71 jo­laýshynyń 8-i qonaqúıge, úsheýi týys­tarynyń úıine, qalǵandary Aıagóz qalasyndaǵy sport mektebine ornalas­tyryldy. Keshe óńir arqyly ótetin «Omby-Maıqapshaǵaı» (587-733), «О́skemen-Tarǵyn-Samar» (88-145), «О́skemen-Semeı» (10-198) joldary ýa­qytsha jabyldy.

«Kári quda» aımaqtaǵy turǵyndar­men qatar tórt túlik pen ań-qus ataý­lyny da álekke salýda. Máselen, 22 qań­tarda Kókpekti aýdanynda 70 jylqy alaı-dúleı boran kezinde dalada qalyp qoıǵan. Amaly taýsylǵan «Qabyl Qapar» sharýa qojalyǵynyń qojaıyny qutqarýshylardan kómek surap, qylquıryqtylar aman-esen tabyldy. Budan bólek «Kýrchatov-Semeı» tas jolyna deıin kólikpen kelip, ári qaraı 5 shaqyrym jerdegi qystaǵyna jaıaý barmaq bolyp, adasyp ketken er adamǵa kómek kórsetildi. Qutqarýshylar ony tas joldan shamamen 3 shaqyrym jerden taýyp, Semeıge deıin jetkizip, dárigerlerge tapsyrǵan.

Tolastamaı jaýǵan qar men uıyt­qı soqqan boran tótenshe jaǵdaı sala­synyń qyzmetkerleri men jol­shylarǵa tynym taptyrmaýda. Oblystyq jolaý­shylar kóligi jáne avtomobıl joldary basqarmasy bergen málimetterge súıensek, qazir aımaqtaǵy jalpy qashyqtyǵy 3 myńnan astam sha­qy­­rymdy quraıtyn oblystyq ma­­ńyzy bar joldardy tazartýǵa «OblShyǵysJol» kásipornynyń 116 teh­­nı­kasy jumyldyrylǵan. Sony­men qatar oblys aýmaǵyndaǵy tas jol­dardyń boıynda 12 616 metr sta­sıo­narly qar ustaǵysh qalqandar or­na­tylǵan. Oblystyq Tótenshe jaǵ­daılar departamentiniń habarlaýynsha, óńirdegi joldardyń boıynda 19 jy­lytý pýnkti men 4 medısınalyq qut­qarý beketteri jumys istep tur. 

 

Shyǵys Qazaqstan oblysy

 

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar