Aımaqtar • 29 Qańtar, 2020

Jambyl oblysynda bir túnde 206 bas qoıdy qasqyr qyryp ketti

181 ret kórsetildi

Jambyl oblysynda qys kelip, kún sýytqaly beri ásirese aýyldy jerlerge túz taǵylary tynym bermeı tur. Osy ýaqytqa deıin óńirdegi birqatar sharýashylyqtyń maly qasqyrlarǵa jem bolǵan edi.

Endi Talas aýdanyna qarasty Qyzyláýit aýylyndaǵy Aqtóre Ábdebaıdyń ıeligindegi sharýashylyqtyń 206 bas qoıyn bir túnde qasqyr qyryp ketti. Al, malynan aıyrylǵan sharýa qasqyrlarmen kúresý múlde múmkin emes ekenin aıtady. О́ıtkeni túz taǵylaryn atýǵa tyıym salynǵan. Qasqyrlarǵa qarsy qoldanatyn myltyǵynyń ózin jergilikti polısııa ókilderi alyp ketipti. Endi sharýa bir-aq kúnde 20 jyl boıy etken eńbeginiń esh ketkenine kúıinip otyr. Jýyq arada mal basyn eseleý taǵy múmkin emes.

Qasqyr jaralaǵan qoılaryn sharýa aýyldastaryna soıyp taratyp jatyr. Sharýaǵa kómektespek nıetpen aýyldastary jaralanǵan qoılardy bólip alyp, kóktemde mal basyn qaıtaryp bermekshi eken. Bul da bolsa sharýaǵa úlken kómek. Budan basqa amal da joq. Túz taǵylarynyń bul shabýyly Qyzyláýit turǵyndaryn alańdatyp otyr.

Al, ıt-qustyń shabýylynan ólgen 100-den astam qoıdyń óleksesi bıotermııalyq shuńqyrǵa tastalypty. Veterınar mamandar mal turǵan qorany zalalsyzdandyryp, mal ólikterin joıýǵa jiberipti. Sharýashylyǵyn dóńgeletip otyrǵan kásipker mal sanyn arttyrǵany úshin memleketten sýbsıdııa alyp kelipti. Endi mal sany azaıǵan soń odan da qaǵylýy múmkin. Biraq sharýaǵa ótemaqy berile me, joq pa, ol jaǵy da beımálim. Tek búginde sharýaǵa 10 mıllıon teńgeden astam kólemde shyǵyn kelgen.

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Uqsas jańalyqtar