Aımaqtar • 29 Qańtar, 2020

Almatyda ál-Farabıdiń 1150 jyldyǵy resmı túrde bastaý alady

216 ret kórsetildi

Búgin Almatyda «Álemniń ekinshi ustazy» atanǵan Ábý Nasyr ál-Farabı babamyzdyń 1150 jyldyǵy saltanatty túrde start alady. О́tken jyly-aq zamanalardyń  ǵulama ǵalymynyń mereıtoıyna arnalǵan úlken daıyndyqty onyń kindik qany tamǵan Qazaq eli bastap ketken-di.

Osy turǵydan kelgende, dúnıejúzinde ál-Farabıdiń atyn ıelenip otyrǵan jalǵyz ýnıversıtet – ál-Farabı atyndaǵy Qazaq ulttyq ýnıversıtetine de artylatyn júk az emes.

Byltyr ýnıversıtettiń tikeleı muryndyq bolýymen 2-12 sáýir aralyǵynda 10 kúnge sozylǵan  VI Halyqaralyq Farabı oqýlary ótti. Sheteldik shyǵystanýshy ǵalymdar Farabı forýmyn óte joǵary baǵalady. Forým barlyq deńgeıde til úıretetin sheteldik mamandardy jınady.

Osy aýqymdy oqıǵaǵa ázirlik barysynda qyrkúıek aıynda qazaqstandyq arnaıy delegasııa Sırııanyń Damask qalasyna issaparmen bardy.

Atalmysh issapar Qazaqstan Respýblıkasynyń Lıvandaǵy Elshiliginiń jáne Sırııa Respýblıkasynyń Qazaqstandaǵy qurmetti Elshisiniń qoldaýymen júzege asty. Osylaısha bul sapar uly babamyzdy zııarat etip, jatqan jerine Qazaqstan tarapynyń qarjylandyrýymen salynǵan «Ál-Farabı mádenı tarıhy ortalyǵy jáne kesenesi»  qurylysynyń jaı-kúıimen jaqynnan tanysyp, 2020 jyly uly oıshyldyń 1150 jyldyǵyn ótkizýge daıyndyq sharalaryn jalǵastyrdy.

Ál-Farabıdiń mereıtoıy kindik qany tamǵan Otyrardy da aınalyp ótken joq. Osynaý taǵylymdyq mán-mańyzy zor ulaǵatty iske ózindik úlesterin qosýdy nıet etken otyrarlyq ónerpazdar maqtanysh tutar jerlesteriniń  halyqaralyq aýqymdaǵy mereıtoıy qurmetine oraı, dramatýrg Shahmet Qusaıynovtyń «ál-Farabı» spektaklin usyndy. Bilikti rejısser Ǵazız Arynovtyń sahnalaýymen sátti shyqqan bul týyndyny qyzyǵy tamashalaǵan kórermenderdiń qarasy kóp boldy.

Al búgin Almatyda ál-Farabı atyndaǵy Qazaq ulttyq ýnıversıtetinde ál-Farabıdiń 1150 jyldyq mereıtoıy resmı ári saltanatty túrde bastaý alady. IýNESKO qamqorshylyǵymen halyqaralyq aýyqymda keńinen atalyp ótetin ál-Farabıdiń mereıtoılyq jyly álemniń 40-tan asa elinen qonaqtardyń basyn qosady.

Saltanatty sharaǵa Memlekettik hatshy Qyrymbek Kósherbaev, Bilim jáne ǵylym mınıstri Ashat Aımaǵambetov, Mádenıet jáne sport mınıstri Aqtoty Raıymqulova, Almaty ákimi Baqytjan Saǵyntaev, memleket jáne qoǵam qaıratkerleri, BUU jáne IýNESKO, IYU, TÚRKSOI, sonymen qatar basqa da halyqaralyq uıymdardyń, Qazaqstandaǵy dıplomatııalyq mıssııalardyń ókilderi, JOO rektorlary, ǵylymı ortalyqtar men ǴZI jetekshileri, tanymal sheteldik jáne otandyq ǵalymdar-farabıtanýshylar qatysady.

Tústen keıin mártebeli qonaqtar ál-Farabı eskertkishine gúl shoqtaryn qoıady, sodan keıin Stýdentter saraıynda ál-Farabıdiń 1150 jyldyq mereıtoıy saltanatty túrde ashylyp, sońy merekelik konsertke ulasady.

Sońǵy jańalyqtar

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Uqsas jańalyqtar