Úkimet • 31 Qańtar, 2020

Almatyda EAEO odan ári damytý baǵyttary talqylandy

30 ret kórsetildi

Premer-Mınıstrdiń birinshi orynbasary - Qarjy mınıstri Álıhan Smaıylov Almatydaǵy Eýrazııalyq ekonomıkalyq komıssııa Keńesiniń kezekti otyrysyna qatysty. Bul týraly Premer-Mınıstrdiń baspasóz qyzmeti habarlady.

Otyrys barysynda EAEO odan ári damýy jónińde birqatar ózekti máseleler qaraldy. Onyń ishinde kedendik jáne tehnıkalyq retteý, saýda, dári-dármekterdiń ortaq naryǵyn damytý jáne odaqqa múshe elderdiń aqparattyq tehnologııalar prosesteri salasyndaǵy yntymaqtastyǵy máseleleri bar.

Otyrysqa qatysýshylar 2025 jylǵa deıingi eýrazııalyq ıntegrasııany damytýdyń strategııalyq baǵyttaryn aıqyndaıtyn qujattyń daıyndyq barysyn talqylady.

Kún tártibindegi mańyzdy másele EAEO ishki naryǵyndaǵy kedergilerdi joıý boıynsha odaqqa múshe memleketter tarapynan atqarylǵan jumysty talqylaý. Qazaqstandyq tarap taǵy bir ret EAEO seriktesteriniń nazaryn kedergilerdi joıýdyń qazirgi tártibin túbegeıli qaıta qaraý qajettigine aýdardy.

Taraptar ózara memlekettik satyp alýlarǵa qatysý kezinde banktik kepildemelerdi moıyndaý máselesin talqylady. Máselen, eger Qazaqstan EAEO barlyq elderiniń banktik kepildemelerin qabyldaıtyn bolsa, Reseıde memlekettik satyp alýlar rásimderine qatysýǵa tek Reseı bankteriniń bank kepildemeleri qabyldanady.

«Qazaqstan Eýrazııalyq damý banki beretin banktik kepildikterdi birinshi satydan-aq taný múmkindigin qarastyrý jónińdegi Eýrazııalyq ekonomıkalyq komıssııanyń usynysyn qoldaıdy», dedi Álıhan Smaıylov. 

Ol qazaqstandyq tarap banktik kepildemelerdi ózara taný týraly kelisimdi daıyndaý boıynsha jumysty jalǵastyrýǵa shaqyratynyn atap ótti.      

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar