Qazaqstandyq bitimgerler belgilengen tapsyrmalardy abyroımen atqarýda

Álem • 03 Aqpan, 2020

Qazaqstandyq bitimgerler belgilengen tapsyrmalardy abyroımen atqarýda

21 ret kórsetildi

Qazaqstan Respýblıkasy Qorǵanys mınıstrliginiń ınspeksııalyq toby «Lıvandaǵy BUU ýaqytsha Kúshteri» mıssııasyndaǵy úshinshi jıyntyq bitimgershilik rotasyna josparly tekserý júrgizdi. Bul týraly Qorǵanys mınıstrliginiń baspasóz qyzmeti habarlady.

Egemen Qazaqstan

Inspeksııalyq tekserýdiń negizgi maqsattary 2019 jylǵy qarashadaǵy Úndistan Qarýly Kúshteriniń bitimgershilik kontıngenti quramyndaǵy «Lıvandaǵy BUU ýaqytsha Kúshteri» mıssııasyna qatysý úshin Lıvan Respýblıkasyna baǵyttalǵan 3-shi qazaqstandyq bitimgershilik rotasy áskerı qyzmetshileriniń moraldyq-psıhologııalyq jaı-kúıin, sonymen qatar, qarý-jaraq pen múliktiń jaǵdaıyn zerdeleý, sondaı-aq, «kógildir jolaq» aımaǵyndaǵy jaǵdaıdy qosa alǵandaǵy, qazaqstandyq bitimgershilikshilerdiń jaýapkershilik aımaǵyndaǵy jaǵdaıdy baǵalaý boldy.

Sapar barysynda general-maıor T. Dándibaevtyń «Lıvandaǵy BUU ýaqytsha kúshteri» mıssııasynyń qolbasshysy, general-maıor S. Del Kolemmen (Italııa Qarýly Kúshteri), mıssııasynyń «Shyǵys» sektorynyń qolbasshysy brıgadalyq general M. Navarromen (Ispanııa Qarýly kúshteri) jáne Úndistan Qarýly Kúshteriniń bitimgershilik kontıngentiniń komandıri polkovnık N. Bhatıpen ekijaqty kezdesýleri ótti.

Kezdesý barysynda taraptar BUU-nyń bitimgerlik qyzmetiniń jalpy mańyzdylyǵyn jáne Qazaqstan Qarýly Kúshteriniń bitimgershilik isine qosqan úlesin atap ótti. Qoıylǵan mindetterdi oryndaý kezinde qazaqstandyq áskerı qyzmetshilerdiń joǵary kásibıligi atap ótildi.

Sondaı-aq BUU mıssııalaryna qatysýdy keńeıtý jónindegi qazaqstandyq taraptyń nıeti «Lıvandaǵy BUU ýaqytsha Kúshteri» mıssııasynyń basshylyǵyna jetkizildi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz