Hokkeı • 12 Aqpan, 2020

«Barys» hokkeıshileri «Avtomobılıst» komandasyn jeńdi

17 ret kórsetildi

Elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Avtomobılıst» (Ekaterınbýrg) komandasyn qabyldady.


Oıyn eki komandanyń alma-kezek shabýylymen órbidi. Esepti alǵash bolyp «Barys» ashty. Ony 24-mınýtta elordalyq Nıkıta Mıhaılıs óziniń enshisine jazdy. Budan keıin aıdyn ıeleri qatarynan eki shaıba soǵyp ketti. Aldymen 28-mınýtta Evgenıı Mozer soqsa, 35-mınýtta Pıter Holland esepti ústemeleı tústi.

Al 39-mınýtta «Barys» hokkeıshisi Iıro Pakarınen tarazy basyn teńestirdi. Úshinshi kezeń bastala salysymen aıdyn ıeleri sapynan bir hokkeıshi eki mınýttyq aıyppen jazalandy. Adam sanynyń basymdyǵyna ıe bolǵan «Barys» qatarynan Dastın Boıd 41-mınýtta mergendik tanytyp, óz komandasyn alǵa shyǵardy. Al 57-mınýtta elordalyq hokkeıshi Atte Ohtamaa esepti ústemeleı tústi. Osylaısha «Barys» qarsylasynan 4:2 esebimen basym tústi.

Aıta keterligi, bıyl elordalyq klýb qarsylasynan besinshi márte basym tústi. Endi taǵy bir oıyndy 13 aqpanda syrt aıdynda Reseıdiń SSKA (Máskeý) komandasymen ótkizedi. Odan keıin elordada úsh kezdesý oınaıdy. Aldymen 15 aqpanda Reseıdiń «Sochı», 18 aqpanda «Sıbır» (Novosibir), 21 aqpanda «Salavat Iýlaev» (Ýfa) klýbtarymen kezdesedi.



Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar