Sport • 13 Aqpan, 2020

Pırmammad Alıev: Bakýdegi álem kýbogi - jyldyń basty básekesi

20 ret kórsetildi

Bakýde batýttaǵy gımnastıkadan álem kýboginiń kezeńi ótedi. Atalǵan jarysqa Qazaqstan sapynan qatysatyn Pırmammad Alıev jarysqa daıyndyǵy týraly baıandap berdi. Bul jaıynda Ulttyq olımpıadalyq komıtettiń baspasóz qyzmeti habarlady.

«Jarys bastalýyna da sanaýly kúnder qaldy. Biz Bakýge saıys bastalardan eki apta buryn keldik. Bul bizdiń aýa-raıyna beıimdelip, álem kýbogine tyńǵylyqty daıyndalýymyzǵa paıdasyn tıgizedi. Sebebi, bul jarys biz úshin óte mańyzdy. Jyldyń basty básekeleriniń biri desek te bolady. Olımpıada aldynda eki álem kýboiginiń kezeńi bar edi. Sonyń biri osy Bakýde bolsa, ekinshisi sáýir aıynyń sońynda Italııada ótedi. Osy jarys nátıjesi boıynsha upaı jınap, Olımpıada jolmasyna ıe bolǵymyz keledi. Qazirgi tańda jospar boıynsha jattyǵýdy jalǵastyryp, jarysqa saqadaı saı turmyz», - deıdi batýtta sekirýshi Pırmammad Alıev.

Sońǵy jańalyqtar

Uqsas jańalyqtar