Qazaqstan • 18 Aqpan, 2020

Kaspıı mańy basseıniniń tereń qabattarynda resýrstar bolýy múmkin

31 ret kórsetildi

Elimizde 76 mlrd tonnany quraıtyn munaı-gaz resýrstary bar dep boljanýda. Búgin Úkimet otyrysynda Geologııalyq barlaýdyń 2021-2025 jyldarǵa arnalǵan memlekettik baǵdarlamasynyń tujyrymdamasyn tanystyrǵan Ekologııa, geologııa jáne tabıǵı resýrstar mınıstri Maǵzum Myrzaǵalıev aıtyp ótti.

«Kómirsýtegi týraly aıtar bolsaq, elimizdiń 15 shógindi basseınderinde shamamen 76 mlrd tonnany quraıtyn munaı-gaz resýrstary bar dep boljanýda. Bul shógindi basseınderdiń geologııalyq zerttelý dárejesi ártúrli. Onyń beseýi ıgerilgen, beseýi az zerttelgen jáne beseýiniń perspektıvasy tómen. Kaspıı mańy, Ústirt-Bozashy, Mańǵyshlaq, Ońtústik Torǵaı, Zaısan basseınderiniń tereń qabattaryn geologııalyq izdestirý-baǵalaý jumystaryna jeke ınvestısııalar tartý josparlanýda. Az zerttelgen Soltústik-Torǵaı, Ertis mańy, Aral, Syrdarııa, Shý-Sarysý shógindi basseıni aýmaqtarynda geologııalyq zertteýdi memlekettik bıýdjet esebinen júrgizý qajet dep esepteımiz», - dedi mınıstr.

2019 jyly memlekettik bıýdjet esebinen qatty paıdaly qazbalarǵa izdeý jumystaryn júrgizý kezinde Úlken Qarataýda munaı kózi anyqtalǵan bolatyn. Endi osy aýmaqtyń damý baǵytyn anyqtaý úshin geologııalyq barlaý jumystaryn ári qaraı jalǵastyrý kerek degen usynys aıtty, Maǵzum Myrzaǵalıev.

«90-shy jyldary júrgizilgen zamanaýı seısmıkalyq zertteýlerdiń nátıjesinde Qashaǵan, Qalamqas-Teńiz, Soltústik Trýva jáne de basqa ken oryndary ashyldy. Búgingi kúni eski seısmıkalyq málimetter kóp bolǵanymen, onyń sapasy men naqtylyǵy qazirgi talaptarǵa sáıkes kelmeıdi. Sol sebepti, Kaspıı mańy basseıniniń tereń qabattarynyń áleýeti áli tolyqtaı baǵalanǵan joq. Bul basseın ınvestorlar úshin tartymdy aımaq. Qazirgi kezde kóptegen otandyq jáne sheteldik kompanııalar osy basseınde geologııalyq zertteý júrgizýge degen ózderiniń nıetterin bildirýde. Sondyqtan da, jańartylǵan geologııalyq aqparatty alý úshin zamanaýı seısmobarlaý jumystaryn júrgizý qajet», - dedi Ekologııa, geologııa jáne tabıǵı resýrstar mınıstri.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Uqsas jańalyqtar