Sport • 18 Aqpan, 2020

Sergeı Vertıankın: Batýttaǵy gımnastıkadan olımpıadaǵa joldama alýymyz múmkin

33 ret kórsetildi

Ázerbaıjan astanasy Bakýde batýttaǵy gımnastıkadan lısenzııalyq álem kýbogi kezeńi aıaqtaldy. Atalǵan synda qazaqstandyq Pırmammad Alıev pen Danıl Musabaev sınhrondy sekirýden qola júldeger atandy. Al jekeleı jarysta Musabaev 15-shi, Alıev 46-shy satydan kóringen bolatyn. Bul jaıynda Ulttyq olımpıadalyq komıtettiń baspasóz qyzmeti habarlady.

«Bakýdegi álem kýbogi qarsańynda Ázerbaıjanda oqý-jattyǵý jıyndaryn ótkizgen edik. Bul jıynnyń paıdasy tıdi. Bizben birge massajshy men dáriger de bardy. Jalpy alǵanda, gımnastardyń kórsetkishi jaman emes. Danıl Musabaev jekeleı synda 15-shi orynnan kórindi. Oǵan fınalǵa ótý úshin sál ǵana upaı jetpeı qalǵanyn aıta ketý kerek. Biraq jalpy esepte jaqsy upaı jınadyq. Endi lısenzııa úshin talasty odan ári jalǵastyramyz. Aldymyzda Italııada ótetin álem kýbogi kezeńi bar. Bul básekede upaıdy molaıtýǵa tyrysatynymyz anyq. Danıl Musabaevtiń lısenzııaǵa qol jetkizetin múmkindigi bar.  Ol tizesinen alǵan jaraqatyna baılanysty biraz týrnırden syrt qaldy. Búginde sporttyq babyna enip keledi. Jańa ári qıyn kombınasııalar qosty. Joǵary oryndardan kórinýge bolatynyn Bakýde túsinip, ózine degen senimin arttyryp keledi. Italııadaǵy kýboktik kezeńde Musabaev jaqsy nátıje kórsetedi dep úmittenemin», - deıdi bas bapker. 

Gımnast Danıl Musabaevtyń aıtýynsha, álem kýbogi kezeńderinde alǵashqy otyzdyqqa engen sportshylar upaı jınaıdy. Al sınhrondy sekirý Olımpıada baǵdarlamasyna enbegendikten, reıtıngilik upaılar qosylmaıdy.

«Bakýdegi álem kýbogi kezeńin men úshin sátti ótti desem bolady. О́ıtkeni, sınhrondy sekirýde Pırmammad Alıev ekeýmiz qola júldeger atansaq, jekeleı synda 15-shi satyǵa turaqtadym. Kýboktik kezeńderde alǵashqy otyzdyqqa engen gımnastarǵa reıtıngilik upaı beriledi. Álem chempıonaty arqyly Olımpıadaǵa joldama alǵan tórt sportshyny esepke almasaq, upaı sanynyń joǵary ekenin anyq. Álem kýboginiń bes kezeńi aıaqtalǵan soń, reıtıng boıynsha lısezııalar úlestiriledi. Endi Italııadaǵy álem kýbogi qarsańynda Grýzııada daıyndalamyz. Menińshe, Tokıo oıyndaryna joldama alatyn jaqsy múmkindik bar. Tek qatesiz jumys istep, alǵa basý qajet», - deıdi Danıl. 

Italııadaǵy kýboktik kezeń sáýir aıyna josparlanǵan. 

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar