Parlament • 20 Aqpan, 2020

D.Nazarbaeva kásibı-tehnıkalyq bilim berý júıesiniń ókilderimen kezdesti

47 ret kórsetildi

Senatta Parlament joǵarǵy Palatasynyń Tóraǵasy Darıǵa Nazarbaeva Parlamenttik tyńdaýlarǵa daıyndyq aıasynda Bilim jáne ǵylym mınıstrliginiń basshylarymen jáne agrarlyq kolledjderdiń ókilderimen kezdesti.

Kezdesýge Parlament Senatynyń depýtattary, Bilim jáne ǵylym mınıstrliginiń, «Kásipqor» holdınginiń ókilderi jáne agrarlyq kolledjderdiń basshylary qatysty.

Sharada aýyl sharýashylyǵynyń mamandyqtary men kásip dárejeleri boıynsha mamandar daıarlaý máseleleri, sondaı-aq maman daıarlaýda jańa júıeniń qajettigi men bilim berý úderisiniń mazmuny talqylandy.

Aqtóbegi joǵary aýyl sharýashylyǵy kolledjiniń dırektory Amankeldi Esirkepov aýyl sharýashylyǵy salasy mamandaryn ázirleýde quzyrly organdardyń tájirıbeden ótý máselesine selqos qaraıtynyn alǵa tartty. «Bizge tájirıbe jaǵy jetispeıdi. Bizdiń kolledjdiń bazasynda tórt túlik maldyń bári bar. Ol úshin biz memleket bıýdjetinen eshteńe almaımyz. Stýdentterdiń tájirıbeden ótýin uıymdastyrý jaǵyn qoldaý kerek. Sondaı-aq Qazaqstanda aýyl sharýashylyǵy mamandaryn daıyndaýǵa qatysty kitap sońǵy ret 2010 jyly shyqqan. Bilikti mamandar daıarlaý úshin sońǵy shyqqan salalyq kitaptar qajet. Ekinshi másele, ol pedagogtardy qoldaý máselesi tur», - dedi A.Esirkepov.

Darıǵa Nazarbaeva bul taqyrypqa qoldaý bildire kelip, kadrlardy daıyndaý men mamandardyń jetispeýshiligine bıznes salasy da jıi shaǵymdanatynyn atap ótti.

«Kolledjden keıin jumysqa alatyn mamandardyń daıyndyq deńgeıi tómen, tájirıbelik daǵdylary joq. Bıýdjetten qarjy bólinedi, esepterde bári durys. Al is júzinde mamandar tapshy», - dep atap ótti ol.

Senat Tóraǵasy taqyrypty jalǵastyra kelip, kóp másele jergilikti atqarýshy organdardyń ustanymyna baılanysty ekenin atap ótti. «Eger ákim qoldaý bildirse, múddeli bolsa, onda kolledj jaqsy ómir súredi. Kóp nárse adamdardyń ózine jáne qandaı da bir aýyl sharýashylyǵy mamandaryna degen qajettilik dál qansha ekenine jáne qaı mekemege kerek bolýyna baılanysty. Árıne, birinshi kezekte kásipkerlerden kelip jatqan ótinimderden bas tartý kerek. Ekinshiden – ár óńirde aýmaqtyq damýdyń keleshek jospary bar. Bul óz óńirińizdiń bolashaǵyna boljaý jasaıtyn nusqaýlyq qujat. Bul turǵyda ekonomıkada ne bolyp jatqanyn, damý baǵyty qandaı ári búgingi kúni aýyl sharýashylyǵynda ne mańyzdy ekenin, qandaı jańa kásiporyndar ashý josparlanyp otyrǵanyn, onda qandaı shtat ashylatynyn kórýińiz kerek», - dedi D.Nazarbaeva.

Kásiptik-tehnıkalyq bilim berý júıesiniń ókilderi óz kezeginde bilim berý úderisin uıymdastyrýda kezdesetin qıyndyqtar týraly aıtty. Atap aıtqanda, kolledjderdiń qazirgi zamanǵy qural-jabdyqtarmen nashar jabdyqtalatyny jáne salalyq oqýlyqtardyń joqtyǵy negizgi másele retinde atap ótildi. Kezdesýge qatysýshylardyń aıtýynsha, kolledj basshylary óz qarajatyna jıi mal satyp alady jáne ony stýdentterdiń mal sharýashylyǵynda tájirıbe alýy úshin ustap otyrady. «Ol úshin men 12 sıyr ustaımyn», - dedi dırektorlardyń biri.

Kezdesýde elimizdegi kolledjder sanynyń kóptigi týraly da aıtyldy. Statıstıka boıynsha, olardyń sany 801, áıtse de tek 17-si ǵana agroónerkásip kesheni mamandaryn daıarlaıdy. Senat basshysy Bilim jáne ǵylym mınıstrliginiń ókilderine: «Olardy qysqartqan jón. Aımaqtaǵy salalyq mamandanýǵa baılanysty ǵana qaldyrý kerek. Eger aımaq ekonomıkasy negizinen agrarlyq sala ári oblys aýyl sharýashylyǵyna mamandanǵan bolsa, onda memlekettik kolledjder sanyn da soǵan yńǵaılaý qajet. Eger kolledjder kóp bolsa olardyń sanyn qysqartý,  aqshany qalǵan kolledjderge qaıta bólý jáne materıaldyq-tehnıkalyq jaraqtandyrýdyń biryńǵaı jobalaryn qalyptastyrý jáne aldaǵy bir-eki jylda olardy oqýǵa qajetti barlyq quraldarmen qamtamasyz etilýine qol jetkizý qajet», - dedi.

Kezdesý barysynda aýyl sharýashylyǵy salasyndaǵy bilim sapasyn jaqsartý maqsatynda «Atameken» óńirlik kásipkerler palatalary janynan bıznestiń, memlekettik organdar men kásiptik-tehnıkalyq oqý oryndarynyń ózara is-qımylyn úılestirý jónindegi komıssııa qurý usynyldy.

Parlament Senatynyń Tóraǵasy kezdesýdi qorytyndylaı kelip, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetine júzdesýge qatysýshylar qozǵaǵan problemalyq máselelerdi zerdeleýdi jáne olardy Parlamenttik tyńdaýlarda talqylaýǵa daıyndaýdy tapsyrdy.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Uqsas jańalyqtar