Álem • 24 Aqpan, 2020

Iranda koronavırýstan 50 adam qaza tapty

103 ret kórsetildi

Irannyń ILNA aqparattyq agenttiginiń habarlaýynsha, Kým qalasynda jańa koronavırýstan bir aıda qaza tapqandardyń sany 50-ge jetken.

Bul kórsetkish osyǵan deıin aıtylǵan resmı málimetten áldeqaıda kóp. Irannyń densaýlyq saqtaý mınıstrligi aqparatty resmı rastamaı otyr. 

ILNA agenttigi taratqan aqparatqa sáıkes, Kým qalasynyń resmı ókili Ahmad Amırıabadı Farahanı qalada 250-den astam adam karantınde ekenin habarlaǵan. 

Qytaıda jyl aıaǵynda paıda bolǵan vırýs Azııanyń ózinde 78 myńnan astam adamǵa juqqan. Qytaıdyń ulttyq densaýlyq saqtaý komıssııasy indetten qaza bolǵandar sany 2500-den asqanyn málimdedi.

Sondaı-aq vırýstyń jańa túri álemniń kem degende 28 eline tarap úlgergen. О́zge elderde tirkelgen jaǵdaılardyń kópshiligi Qytaıdan kelgen jolaýshylardan juqqan bolýy múmkin delingen. 

Iran, Italııa jáne Ońtústik Koreıada indetke shaldyqqandar sanynyń kúrt ósýi ǵalamdyq deńgeıde qaýiptiń paıda bolǵanyn kórsetkendeı. Dúnıejúzilik densaýlyq saqtaý uıymy vırýstyń Iran men Italııada taralýyna baılanysty alańdaýly ekenderin jetkizdi. 

Sondaı-aq Iran bıligi vırýspen kúresý maqsatynda eldegi mektepter, joǵary oqý oryndary men mádenıet oshaqtaryn jabý týraly sheshim qabyldaǵan.

Kórshi elder Irannan kelgen jolaýshylardyń arasynda vırýs juqtyrǵandar bar ekenin málimdep, shekarany jabýǵa májbúr bolǵan. 

Kýveıt búgin Irannyń Meshhed qalasynan kelgen úsh adamnan vırýs belgilerin anyqtady. 53 jastaǵy Kýveıt azamaty, 61 jastaǵy Saýd Arabııasynyń azamaty jáne 21 jastaǵy naýqas qazir Kýveıtte emdelip jatyr.

Kanada, Lıvan, Birikken Arab Ámirlikteri men Bahreın elderi de Irannan kelgen jolaýshylar arasynda vırýs juqtyrǵandar bar ekenin málimdegen.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar