Tennıs • 26 Aqpan, 2020

Elordada Qazaqstan men Nıderlandy arasynda Devıs Kýbogynyń irikteý matchy ótedi

18 ret kórsetildi

6-7 naýryzda Nur-Sultan qalasyndaǵy Ulttyq tennıs ortalyǵynda Devıs Kýbogynyń irikteý kezeńi ótedi. Qazaqstan quramasy Nıderlandy quramasymen kezdesedi dep habarlaıdy qala ákimdiginiń resmı saıty.

El namysyn Aleksandr Býblık, Mıhaıl Kýkýshkın, Andreı Golýbev, Aleksandr Nedovesov jáne Dmıtrıı Popko qorǵaıdy. Olarǵa Ýeslı Kýlhof, Jan-Jýlen Roıer, Robın Haase, Tallon Grıkspýr, Botık van de Zandshýlp qarsy turady. Sporttyq týrnırdiń baǵdarlamasyna sáıkes, 29 aqpan saǵat 14:00-de «Mega Silk Way» saýda ortalyǵynda jankúıerlermen kezdesý ótedi. Shara barysynda balalarǵa arnalǵan sheberlik sabaǵy uıymdastyrylady. 3 naýryz saǵat 12:30-da Nıderlandy quramasynyń, al saǵat 13:15-te Qazaqstan quramasynyń qatysýymen baspasóz konferensııasy ótedi. Jerebe 5 naýryzda josparlanǵan.

6 naýryzda týrnırdiń saltanatty ashylý rásiminen keıin 14:00-de match bastalady.

7 naýryzda qos komandanyń kezdesýi saǵat 12:00-de jalǵasady. Devıs Kýbogy júz jyldan astam tarıhy bar erler tennısindegi iri halyqaralyq komandalyq jarys bolyp tabylady. Ol 1900 jyldan bastap jyl saıyn ótkizilip keledi. Kýboktyń aǵymdaǵy ıegeri - Ispanııa qurama komandasy.

Aıta ketsek, Qazaqstan erler quramasy osy bedeldi týrnırdiń shırek fınalyna birneshe ret shyqty. Byltyr Portýgalııa komandasyn jeńgennen keıin, qurama 18-24 qarashada jańa formatta Madrıdte ótken Devıs Kýbogynyń fınaldyq kezeńine ótti. Ispanııa astanasynda Qazaqstan quramasy birinshi oıyn kúni Nıderlandy komandasyn 2:1 esebimen jeńdi, biraq Ulybrıtanııadan 1:2 esebimen utylyp, pleı-offqa shyǵa almady. О́tkizilgeli jatqan irikteý oıyndary qazaqstandyq tennısshiler álemniń úzdik komandalarynyń qatarynda bolýǵa laıyqty ekenin dáleldeýge múmkindik beredi.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar