Elorda • 28 Aqpan, 2020

Elordada bala psıhologııasyna arnalǵan kitaptardyń tusaýkeseri ótti

30 ret kórsetildi

Elordada «Densaýlyq jáne ómirlik daǵdylar» serııasyndaǵy balalar men jasóspirimderdiń psıhologııalyq densaýlyǵyn nyǵaıtý men damytýǵa baǵyttalǵan kitaptar tanystyryldy. Shara aıasynda Bilim Foundation qoǵamdyq qory Nur-Sultan qalasy Bilim basqarmasyna mektepterge arnalǵan 172 kitap jıyntyǵyn tapsyrdy, dep habarlady qala ákimdiginiń baspasóz qyzmeti habarlady.


Kitaptar taqyryby eseıýdiń eń ózekti máselelerin jáne osy jolda kezdesetin ata-analardyń ajyrasýy, emosııalyq máseleler, kóshý, mekteptiń aýysýy jáne beıimdelý, qorqynysh, úreı, depressııa sııaqty taqyryptardy  qamtıdy.

«Bul kitaptar óziniń ishki álemin túsinýge jáne qorshaǵan ortamen baılanys jasaýǵa úıretetin shynaıy oqıǵa keıipkerlerimen, ári qyzyqty sıýjettermen erekshelenedi. Árbir kitapta máseleniń paıda bolý mehanızmderi men ony jeńý úshin qajetti qarapaıym áreketterdi qoljetimdi tilmen túsindiretin strategııalar bar. Qazaq jáne orys tilderine aýdarylyp, qazirgi tańda qoldanýǵa berilip, eki tilde de beınerolık daıyndaldy», - dedi Bilim Foundation qoǵamdyq qorynyń basqarýshy dırektory Berik Raqyshev.

Atalǵan jıyntyq Qazaqstan Respýblıkasynyń Densaýlyq saqtaý mınıstrliginiń Respýblıkalyq ǵylymı-praktıkalyq psıhıkalyq densaýlyq ortalyǵymen maquldandy. О́z kezeginde Nur-Sultan qalasy Bilim basqarmasy basshysynyń mindetin atqarýshy Sholpan Qadyrova uıymdastyrýshylarǵa alǵysyn jetkizip, elordadaǵy balalar men jasóspirimderdiń psıhıkalyq saýlyǵyn arttyrýǵa jáne ata-analar men muǵalimderge balamen jumysty durys uıymdastyrýǵa úlken yqpal etetinin aıtyp ótti.

Shara sońynda eki tarap kitaptar jıyntyǵyn 88 mektepke taratý boıynsha yntymaqtastyq týraly kelisimge qol qoıyldy.

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar