Aımaqtar • 03 Naýryz, 2020

Qaraǵandyda stýdentterdiń respýblıkalyq aıtysy ótti

97 ret kórsetildi

Qaraǵandy memlekettik tehnıkalyq ýnıversıtetinde Abaı Qunanbaevtyń 175 jyldyǵyna arnalǵan «О́leń – sózdiń patshasy» atty respýblıkalyq aıtys ótti. Stýdentter arasyndaǵy bul jyr báıgesine Nur-Sultan, Semeı, Qyzylorda, Pavlodar, Almaty, Shymkent jáne Qaraǵandy qalalarynan 18 jas aqyn qatysyp, aıtys alamanynyń kórigin qyzdyrdy.

QarMTÝ-dyń tárbıe isi jónindegi prorektory Nazym Alpysbaeva bilim ordasynda rýhanııat máselesine erekshe kóńil bólinetinin atap ótti.

– QarMTÝ tehnıkalyq baǵyttaǵy mamandardy daıarlaıtyn oqý orny bolǵanymen, biz stýdentterdi patrıottyq rýhta tárbıeleýge, olardyń mádenı deńgeıin arttyrýǵa aıryqsha mán berip otyramyz, – dedi prorektor hanym.

 Jyrdan marjan tergen shaıyrlarǵa baǵany quramynda Qaraǵandy oblysynyń aıtyskerleri men aqyndary kirgen qazylar alqasy berdi. Olardyń arasynda aıtyskerler Qýanysh Maqsutov, Dıdar Hamıev jáne belgili aqyn Mıras Asan boldy. Al qazylar alqasyna fılologııa ǵylymdarynyń doktory, professor Amanjol Áltaev jetekshilik etti.

Elbasy oqyǵan bilim ordasyn dúldúl jyrmen dúbirge bólegen aıtysta bas júlde Qaraǵandy memlekettik tehnıkalyq ýnıversıtetiniń stýdenti Doskeı Botpaıǵa buıyrdy. Qazylar alqasy birinshi júldege elordadan kelgen Aqbota Manarbekova laıyqty dep tanysa, ekinshi orynǵa QarMTÝ-dyń taǵy bir stýdenti Bekarys Ospanov ıe boldy. Al Almatydaǵy «Qaınar» akademııasynyń stýdenti Jaqsylyq Apýajanov úshinshi júldeni qanaǵat etti.

Jeńimpazdar men júldegerler dıplomdar jáne aqshalaı sertıfıkattarmen marapattaldy.

QarMTÝ-dyń prorektory Nazym Alpysbaeva aldaǵy ýaqytta tehnıkalyq bilim oshaǵy  respýblıkalyq aıtystyń geografııasyn keńeıtip, qatysýshylar sanyn kóbeıtýdi kózdep otyrǵanyn málim etti.

  

Qaraǵandy oblysy

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar