Aımaqtar • 19 Naýryz, 2020

Tótenshe jaǵdaı mamandary reıd júrgizdi

17 ret kórsetildi

О́skemen – Rıdder – Altaı aýdany – Katonqaraǵaı aýdany baǵytynda reıd júrgizdi.

Elimizdegi tasqyn qaýpi zor óńirlerdiń biri – Shyǵys Qazaqstan. Osy rette jaqynda Ishki ister mınıstrliginiń tótenshe jaǵdaılar komıteti tóraǵasynyń birinshi orynbasary Marat Kúldikov, oblystyq TJD bastyǵynyń orynbasary D.Tıtov, azamattyq qorǵanys salasyndaǵy apattyń aldyn alý jáne baqylaý basqarmasy basshysynyń orynbasary Alekseı Shtykel, sondaı-aq «Kazgıdromet» ókilderimen birge «Qazáýequtqarý» AQ-nyń «Eurocopter» tikushaǵyna minip, О́skemen – Rıdder – Altaı aýdany – Katonqaraǵaı aýdany baǵytynda reıd júrgizdi.

Reıd barysynda quzyrly organdardyń ókilderi Altaı aýdanyndaǵy Maleevka, Zýbovka, Pýtınsevo, Bogatyrevo, Bykovo, sondaı-aq Katonqaraǵaı aýdanyndaǵy Sennoe, Korobıha, Barlyq, Katonqaraǵaı syndy eldi mekender ornalasqan Úlbi, Gromotýha, Turǵysyn jáne Buqtyrma sııaqty ózenderindegi ahýaldy tekserdi. «Tekseris barysynda taýly aımaqtarda qar erý úderisiniń jyldamdaǵanyn baıqadyq. Bul ásirese, Rıdder men Katonqaraǵaı aýdandaryna qatysty. Degenmen ázirge alańdaýǵa esh negiz joq. Jaǵdaı jiti baqylaýda» deıdi M.Kúldikov. Belgili bolǵandaı, mamandar óńirdiń Ertis jáne Buqtyrma sııaqty ózenderinde muz jarý jumystaryn bastap ketipti. Máselen, Semeı qalasy men Altaı, Shemonaıha jáne Borodýlıha aýdandarynyń aýmaǵynda qolǵa alynǵan osyndaı is-sharalar nátıjesinde jalpy aýmaǵy 70 myń sharshy metrge jetetin muz joıylǵan.

Shyǵys Qazaqstan oblysy

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar