Qazaqstan • 19 Naýryz, 2020

Nur-Sultan jáne Almaty qalalarynan áýe reısteri toqtatylady

13 ret kórsetildi

Prezıdent janyndaǵy Tótenshe jaǵdaı rejımin qamtamasyz etý jónindegi memlekettik komıssııa sheshimderin oryndaý úshin 2020 jylǵy 22 naýryz kúni saǵat 00:00-den bastap halyqaralyq jáne júk reısterin qospaǵanda, barlyq qazaqstandyq áýe kompanııalardyń Nur-Sultan jáne Almaty qalalarynan turaqty jáne turaqty emes (charterlik) jolaýshylar reısteri toqtatylady. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Mınıstrliktiń málimetine sáıkes, Nur-Sultan qalasynan Almaty, Balqash, Taldyqorǵan, Petropavl, Taraz, Shymkent, Jezqazǵan, Qyzylorda, Oral, О́skemen, Pavlodar, Semeı, Aqtaý, Atyraý, Aqtóbe, Qostanaı jáne t. b. qalalarǵa 16 ishki baǵyt boıynsha aptasyna 320 turaqty reıs toqtatylady. 

Sondaı-aq Almaty qalasynan Nur-Sultan, Balqash, Kókshetaý, Petropavl, Taraz, Shymkent, Jezqazǵan, Qaraǵandy, Qyzylorda, Oral, О́skemen, Pavlodar, Semeı, Úrjar, Aqtaý, Atyraý, Aqtóbe, Qostanaı jáne t. b. qalalarǵa aptasyna 295 turaqty reıs toqtatylatyn bolady.

Prezıdent janyndaǵy tótenshe jaǵdaı rejımin qamtamasyz etý jónindegi Memlekettik komıssııa otyrysynyń 2020 jylǵy 16 naýryzdaǵy № 1 hattamasyna sáıkes áýe kompanııalary tótenshe jaǵdaı rejımi qoldanylatyn kezeńde áýe bıletterin aıyppulsyz jáne tolyq kólemde qaıtarýdy rásimdeýi qajet.

Azamattardyń shoǵyrlanýyn boldyrmaý úshin jolaýshylarǵa 2020 jylǵy 22 naýryz kúngi saǵat 00:00-den bastap Nur-Sultan jáne Almaty qalalarynyń áýejaılaryna barmaýdy usynamyz.

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar