Elbasy • 20 Naýryz, 2020

Qabyldanyp jatqan sharalar der kezinde qolǵa alyndy – N.Nazarbaev

45 ret kórsetildi

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev pandemııaǵa qatysty Qazaqstan halqyna jasaǵan úndeýinde memlekettik deńgeıde qabyldanyp jatqan sharalar qazirgi qıyn ahýalǵa saı der kezinde qolǵa alynǵanyn atap ótti.

«Qazir koronavırýs ınfeksııasynyń zalalyn azaıtý jáne ekonomıkany turaqtandyrý jónindegi arnaýly shtab jumys istep jatyr. Azyq-túlik pen eń qajetti taýarlardyń, medısınalyq maqsatqa arnalǵan zattardyń tapshylyǵyna jol bermeý úshin barlyq jaǵdaı jasalýda. Memlekettiń áleýmettik mindettemeleriniń bári de oryndalýda. Eldegi quqyqtyq tártip qamtamasyz etilip otyr. Otandyq kásipkerlerge, shaǵyn jáne orta bızneske jan-jaqty qoldaý kórsetilip jatyr. Jumys oryndaryn saqtaýǵa barynsha kúsh salynýda» dep atap ótti Elbasy.

Nursultan Nazarbaev qabyldanǵan sharalardyń der kezinde qolǵa alynǵanyn basa aıtyp, tolyq qoldaıtynyn jetkizdi.

«Memlekettik deńgeıde qabyldanyp jatqan sharalar qazirgi qıyn ahýalǵa saı der kezinde qolǵa alyndy. Men muny tolyq qoldaımyn! Sonymen qatar qazirgi daǵdarys uzaǵyraq ýaqytqa sozylar bolsa, Úkimet oǵan qarsy sharalar ázirleýge tıis. Ondaı jaǵdaıda elimizdi jáne azamattarymyzdy qatań únemshildikke, keshendi ornyqty damý baǵdaryna shyǵýǵa daıyndaý kerek» delingen Elbasy úndeýinde.  

 

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar