Aımaqtar • 21 Naýryz, 2020

Temirtaýda eki adamnyń koronavırýs juqtyrǵany týraly aqparat jalǵan

93 ret kórsetildi

Qaraǵandyda koronavırýstyq ınfeksııa jaǵdaıy týraly onlaın brıfıng ótti. Oblystyq densaýlyq saqtaý basqarmasynyń basshysy Erjan Nurlybaev ınfeksııa juqtyrǵandardyń jaǵdaıy týraly baıandady, dep habarlaıdy QazAqparat.

Qaraǵandy oblysynda koronavırýstyq ınfeksııanyń 2 jaǵdaıy tirkeldi. Naýqastar oqshaýlanǵan jáne ınfeksııalyq bólimge jatqyzyldy. Eki naýqastyń jaǵdaıy qanaǵattanarlyq dep baǵalanady. Olar qajetti em alyp jatyr.

Sonymen birge, basqarma basshysy áleýmettik jelilerde taraǵan jalǵan habarlamalar týraly áńgimeledi.

«Áleýmettik jeliler men messendjerlerdegi Temirtaýda koronavırýstyq ınfeksııanyń 2 jaǵdaıy tirkeldi degen aqparattyń jalǵan ekenin aıtqym keledi. Biz kún saıyn biz sizdermen kezdesip, epıdemııalyq jaǵdaıdaǵy ózgerister týraly senimdi aqparat taratyp júrmiz. Dúrbeleńge boı aldyrmańyz, jalǵan taratpańyz. Sebebi QR qoldanystaǵy zańnamasyna sáıkes, bul úshin qylmystyq jaýapkershilik kózdelgen», - dedi ol.

Qazirgi ýaqytta Qaraǵandy oblysynda 124 adamǵa táýlik boıy baqylaý júrgizilýde.

Úı karantıninde 31 adam, 249 adam – oqshaýlaýsyz medısınalyq baqylaýda, 277 adam – telefon arqyly qashyqttan baqylaýǵa alyndy. Úı karantıninde otyrǵandar Damumed mobıldi qosymshasy arqyly óz jaǵdaıyn baqylaı alady. Paıdalanýshy densaýlyǵy týraly kúndelikti aqparatty toltyrady jáne bul derek emdeýshi dárigerge qoljetimdi bolady.

Sońǵy jańalyqtar

Ulytaý aýdanynyń ákimi taǵaıyndaldy

Taǵaıyndaý • Búgin, 20:45

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar