Qoǵam • 23 Naýryz, 2020

Prezıdent tapsyrmasyn oryndaý úshin Almatyda jol kartasy jasalady

384 ret kórsetildi

Almatyda Prezıdent tapsyrmalaryn júzege asyrý maqsatynda jedel jol kartasy ázirlenedi. Búgin qala ákimi Baqytjan Saǵyntaev Qazaqstan Prezıdentiniń Tótenshe jaǵdaı jónindegi memlekettik komıssııa jıynynda bergen tapsyrmalaryn júzege asyrý jónindegi qalalyq jedel shtabtyń shuǵyl otyrysyn ótkizdi.

Shahar basshysy Baqytjan Saǵyntaev barlyq mindettemelerdi bólip, olardy maqsatynda naqty tapsyrmalar berdi.

Eń mańyzdysy – qalanyń karantındik aımaǵyn tolyǵymen qorshaýǵa alý jáne Almatyǵa kez kelgen tásilmen kirip-shyǵý múmkindigin tııý bolyp tabylady.

«Qalaǵa zańsyz kirýge nemese qaladan zańsyz shyǵyp ketýge tyrysqan jandarǵa karantınniń ortaq ıgiligimiz úshin engizilgenin jete túsindirý kerek. Adamdardyń densaýlyǵy men ómirin saqtaý mańyzdy bolyp tur. Ol úshin koronavırýstyq ınfeksııanyń taralýyna jol bermeýimiz kerek. Biz Eýropa elderinde oryn alǵan kidiristiń saldarynan qaýipti vırýstyń pandemııasy taralǵanyn bilemiz. Osydan qorytyndy shyǵaryp, onyń aldyn alý boıynsha áreket etýdemiz», – dep atap ótti Baqytjan Saǵyntaev.

Memleket basshysy tapsyrǵan is-sharalardyń sheńberinde karantınge jatqyzylǵan adamdardyń karantın talabyn buzǵany úshin jaza qoldaný tıistigi aıtylǵan. Budan ózge qoǵamdyq keńistikti patrýldeý, jaryq qoıý jáne beıne-baqylaýmen jabdyqtaý boıynsha sharalar kúsheıtiledi.

Sondaı-aq halyq júretin qoǵamdyq nysandarda sanıtarlyq óńdeý jumystary júrgizile beredi. Barlyq HQKO ýaqytsha jabylady. Qala keńistigin dezınfeksııalaý úshin kommýnaldyq tehnıka qaıta jabdyqtalady.

Túrli qatynas joldary arqyly shetelden, sonyń ishinde EAEO elderinen keletin barlyq jolaýshylardy oqshaýlaý jónindegi jumystar jalǵasa beredi. Sondaı-aq medısınalyq mekemelerdiń jumys tártibi týraly túsindirý jumystary jalǵasýda. Kásipkerler men azamattar úshin blok-beketterden ótý tártibi men erejeleri týraly jadynamalar ázirlendi.

Sondaı-aq, jastardyń jasampazdyǵyn qamtamasyz etý boıynsha onlaın tártipte túrli jarystar men dárister ótkiziledi. Budan bólek Eńbek jáne halyqty áleýmettik qorǵaý mınıstrligi tótenshe jaǵdaı kezinde eńbekaqydan aıyrylǵan adamdarǵa 1 AÁK (42 500 teńge) kóleminde aılyq tólem júrgizý máselesi pysyqtalmaq.

Kópbalaly otbasylarǵa, múgedekter men halyqtyń áleýmettik osal toptaryna tegin azyq-túlikpen turmystyq jıyntyq taratylmaq.

Ár tapsyrma boıynsha naqty oryndaý sharalary ázirlenetin bolady.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Uqsas jańalyqtar