Karantındegi Almaty: kómekke zárý 18 618 otbasy bar

Qoǵam • 25 Naýryz, 2020

Karantındegi Almaty: kómekke zárý 18 618 otbasy bar

41 ret kórsetildi

Almaty qalasy ákimdiginiń baspasóz ortalyǵynda qala ákiminiń orynbasary Saparbek Tuıaqbaev, Almaty qalasy Kásipkerler palatasynyń dırektory Narıman Ábilshaıyqov, Almaty qalalyq Nur Otan partııasy tóraǵasynyń birinshi orynbasary Stanıslav Kankýrov, «Kazpochta» AQ Almaty fılıalynyń dırektory Álııa Súgirbaevanyń qatysýymen brıfıng ótti.

Aınash ESALY

Brıfıngte qala ákiminiń orynbasary Saparbek Tuıaqbaev karantın kezeńinde 18 myńnan astam kómekti qajet etetin otbasy azyq-túlik sebetimen qamtylatyndyǵyn atady.

«Búgin biz az qamtylǵan otbasylardy azyq-túlikpen qamtamasyz etý úshin qalalyq baǵdarlamany qolǵa aldyq. Biz sondaı 18 618 otbasyn anyqtadyq. Olardyń ishinde 9971-i – az qamtylǵan otbasylar, 2585-i – jalǵyz turatyn zeınetkerler, 5143-i 1 jáne 2 toptaǵy múmkindigi shekteýli jáne múmkindigi shekteýli balalardy tárbıelep otyrǵan 919 otbasy bar. Bul tizim áli de jalǵasa beredi. О́ıtkeni qala turǵyndary kómekke muqtaj adamdar týraly qosymsha esep bere alady. Bul úshin arnaıy jumys isteıtin call-ortalyq qurdyq.

Eger siz kómekke muqtaj adamdardy biletin bolsańyz, osy ortalyqqa qońyraý shalyńyz. Aqparat rastalǵannan keıin azyq-túlikter, betperdeler men antıseptıkterge deıin jetkizilip beriledi. Biz kún saıyn myńnan astam azyq-túlik sebetterin jetkizýdi josparlap otyrmyz. Qazirgi kezde tizim jasalyp jatyr», – dedi qala ákiminiń orynbasary.

Sonymen qatar, onlaın rejıminde kommersııalyq uıymdarmen jumys isteýge bolatynyn, áleýmettik jáne kommersııalyq qyzmetterdi jetkizýdi qamtamasyz etetin qoldaý tetigi jasalǵanyn basa aıtty. Qala ákiminiń orynbasary turǵyndardyń megapolıstegi karantın erejesin qatań ustanyp, meılinshe úılerinen shyqpaýǵa shaqyrdy.

Qala ákimdigi Nur Otan partııasymen birlese otyryp, kóptegen jumys atqardy. Demeýshilik qarajatty qoldana otyryp, medısınalyq jáne gıgıenalyq quraldar satyp aldy. Qaladaǵy kásipkerler de shet qalmaı, «Jańa Alataý» qoryn qurdy jáne azyq-túlikpen kómek kórsetýge daıyn.

Brıfıngte Nur Otan partııasy Almaty qalalyq fılıal tóraǵasynyń birinshi orynbasary Stanıslav Kankýrov partııanyń jumysy týraly keńinen aıtyp ótti.

«Elbasy tapsyrmasyna sáıkes, Nur-Sultan jáne Almaty qalalaryna sanıtarlyq-gıgıenalyq jıyntyqtar satyp alý úshin 150 mıllıon teńge kóleminde qarajat bólindi. Biz «Baqytty otbasy», «Ardagerlerdi ardaqtaıyq» jáne «Kedergisiz keleshek» jobasy aıasynda az qamtylǵan otbasylarǵa kómek kórsetemiz. Arnaıy sanıtarlyq jıyntyq satyp aldyq. Jas Otan eriktileri kún saıyn 700 jıyntyq taratady. Bul jumys áli de jalǵasa beredi. Sondaı-aq, men qalamyzdyń turǵyndaryn karantın kezeńinde úıden shyqpaýǵa shaqyramyn», – dedi S.Kankýrov.

Almaty qalasy Kásipkerler palatasynyń dırektory Narıman Ábilshaıyqov óz sózinde bylaı dedi:

«Karantın kezeńinde qala kásipkerleri Elbasynyń «Biz Birgemiz!» aksııasyna belsene qatysyp otyr. Endi oǵan respýblıkanyń iri kásipkerleri de qosyldy. О́tken aptada Qazaqstan Halyq banki medısınalyq uıymdardy qoldaý úshin 100 mıllıon teńge bólse, kásipker Qaırat Májibaev 5000-ǵa jýyq áleýmettik paket bóldi. «Atameken» saıtynda «Jańa Alataý» qory týraly málimetter bar», – dedi ol.

Al «Qazpochta» AQ Almaty fılıalynyń dırektory Álııa Súgirbaeva 70 jastan asqan zeınetkerlerge karantın kezeńinde úıinde otyryp zeınetaqylaryn alýǵa bolatynyn jetkizdi.

«Búgingi tańda «Qazposhta» - Qazaqstan Respýblıkasynyń ulttyq operatory. Almaty ákimdigimen birge qala turǵyndarynyń áleýmettik az qamtylǵan toptaryna qoldaý kórsetý úshin iske asyrylyp otyrǵan joba aıasynda «Qazpochta» AQ logıstıkalyq jáne osy paketterdi jetkizýdegi basty seriktes. Búgingi kúni fılıal barlyq kúsh-jigerlerin aıamaı táýlik boıy jumys isteıdi. Bizdiń turǵyndardyń qaýipsizdigi úshin baılanyssyz jetkizýdi qolǵa alyp otyrmyz. Qala ákimdigimen birlesip ázirlenip jatqan taǵy bir joba – zeınetkerlerdiń zeınetaqylaryn úılerine jetkizip berý. Bizdiń barlyq qyzmetkerlerimiz – poshtashylar men kýrerler bul iske tolyqtaı daıyn», – dedi ÁlııaSúgirbaeva.

Brıfıngke qatysýshylar turǵyndar tarapynan qoıylǵan saýaldarǵa jaýap berdi.

ALMATY

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz