Qazaqstan • 25 Naýryz, 2020

T.Qulybaev: Olımpıada oıyndarynyń ótkizilý ýaqytyn ózgertý - sportshylar úshin ońtaıly sheshim

24 ret kórsetildi

Qazaqstan Ulttyq Olımpıada komıtetiniń prezıdenti Tımýr Qulybaev Tokıodaǵy jazǵy Olımpıada oıyndarynyń ótkizilý ýaqytynyń ózgergenine baılanysty málimdeme jasady. 

«Biz Halyqaralyq Olımpıada komıtetine, «Tokıo-2020» uıymdastyrý komıteti men Japonııa úkimetine Olımpıada oıyndaryna degen daıyndyǵy men der kezinde mańyzdy sheshim qabyldaǵany úshin orasan zor alǵys bildiremiz.

Olımpıada oıyndarynyń ótkizilý ýaqytyn ózgertý, birinshiden, sportshylar úshin ońtaıly sheshim. Sportshylardyń amandyǵy biz úshin árdaıym birinshi orynda degen ustanymmen Olımpıada oıyndarynyń shegerilgenin qoldaımyz. 2021 jylǵy Olımpıada oıyndary sportshylar úshin qaýipsiz ári barlyq jaǵdaı jasalady dep senemiz. COVID-19 vırýsynyń úzdiksiz taralýy álemge aıtarlyqtaı keri áserin tıgizip, barlyq sala zardap shegýde. Sonyń ishinde, atalǵan indet sport álemin de aınalyp ótpedi. Biraq, sportshylardyń jattyǵýyn toqtatpaı, úı jaǵdaıynda ózderi ǵana sportpen shuǵyldanyp qoımaı, jankúıerlerdi de sportpen aınalysýǵa shaqyrǵany  qýantady. Qazaqstan UOK Halyqaralyq Olımpıada komıtetimen, Olımpıada oıyndaryn uıymdastyrý komıteti jáne halyqaralyq federasııalarmen tyǵyz qarym-qatynasta. Sondaı-aq, yntymaqtastyqty odan ári  jalǵastyrady» dedi Qazaqstan UOK prezıdenti Tımýr Qulybaev.

Aıta ketelik, qazirgi tańda otandyq sportshylardyń barlyǵy úıinde úkimet usynǵan aldyn alý sharalaryn saqtap otyr. Qazaqstan UOK jaqyn arada ulttyq federasııalarmen Olımpıada oıyndarynyń keıinge shegerilýine baılanysty olımpıadalyq sport túrinen ulttyq komandalardyń 2020 jylǵy kúntizbesin talqylaǵan bolatyn. 

Eske sala keteıik, Halyqaralyq Olımpıada komıteti men Japonııa Úkimeti 24 naýryzda birikken málimdeme jasady. Japonııa Premer-Mınıstri Sındzo Abe men HOK prezıdenti Tomas Bah Olımpıada oıyndaryna qatysty bir sheshimge keldi. Dúnıejúzilik densaýlyq saqtaý uıymy bergen aqparatqa sáıkes, búgingi jaǵdaıdy eskere otyryp, HOK prezıdenti men Japonııa Premer-Mınıstri sportshylar men Olımpıadaǵa qatysýshylardyń, halyqaralyq uıymdardyń qaýipsizdigin oılap, Tokıodaǵy Olımpıada oıyndaryn 2021 jyldyń jazyna ótkizý týraly sheshim qabyldady. 

 
Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar