Koronavırýs • 26 Naýryz, 2020

Ushaqtar men poezd kesteleri shekteldi

32 ret kórsetildi

Qazirgi kezde Aqtóbe aımaǵynda 2000-nan astam quqyq qorǵaý qyzmetkerleri kúsheıtilgen rejımde jumys isteýde. Oǵan oblys ortalyǵyndaǵy áskerı bólimshelerdiń jeke quramdary da tartylǵan. Sondaı-aq syrttan kelgen adamdardy baqylaý men taýarlardy retteý úshin 40 beket jasaqtalǵan. Onyń deni qala jáne oblys aýmaǵynda ornalasqan magıstraldyq beketter. Buǵan 437 adam jumyldyrylyp, táýlik boıy jumys istep keledi.

Koronavırýs indetiniń taralý qaýpi kóp jaǵdaılarda áýe qatynastary jáne temir jol kóligimen keletin jolaýshylar arqyly týyndaıtyny belgili bolyp otyr. Sondyqtan da oblysta osyndaı bolýy múmkin keleńsiz jáıttiń aldyn alý úshin ony barynsha retteýdiń oń sharalary alynǵan. Máseleniń bulaısha qoıylýyna Aqtóbeniń toǵyz joldyń torabynda ornalasqany da sebepshi.

Aıtalyq Aqtóbe stansasyndaǵy jelilik polısııa basqarmasynyń basshysy Sarybaı Sársenovtyń aıtýynsha búgingi kúni Aqtóbe arqyly Almaty men Nur-Sultan qalalaryna deıin qatynaıtyn poıyzdardyń júrýi toqtatylǵan. Iаǵnı buǵan deıin belgilengen temir jol kólikteriniń júrý kestesine ózgerister engizilip, atalǵan poıyzdar Ońtústik óńirler baǵyty boıynsha Shý qalasyna deıin barady. Al elimizdiń Soltústik óńirine qaraı baǵyt ustaǵandar Býrabaı kýrortyna deıin  ǵana qatynaı alady.

Reseıge, Belorýssııa men Ýkraınaǵa jáne Orta Azııa respýblıkalaryna halyqaralyq mártebeni ıelengen jolaýshylar poıyzdary júrip turatyn. Qazirgi kúni onyń bári de túgeldeı toqtatyldy. Búginde Aqtóbede nebári 6 jup poıyz ǵana qatynaıdy. Soǵan sáıkes vokzal mańyndaǵy barlyq esikter jabyldy. Jolaýshylar tek bir jerden ǵana kirip shyǵa alady. Poıyz toqtaǵannan soń vagondaǵy adamdardyń bári sanıtarlyq tekserýlerden ótedi. Bul tártiptiń poıyz bastyqtary men jolserikterge de qatysy bar.

Búginde Aqtóbe halyqaralyq áýejaıynda ushaqtardyń gúrildegen daýystary estile bermeıdi. Bul mańaıdy da múlgigen tynyshtyq basqan. Aqtóbe kúnine bir ret Aqtaý-Aqtóbe-Aqtaý reısi ǵana qatynaıdy. Buǵan Túrkııadan keletin júk ushaǵyn qosýǵa bolady. Bul kezde eki memlekettegi áýejaı jelisiniń qyzmetkerleri barlyq tótenshe jaǵdaılar talaptaryn saqtaýy qatań baqylaýǵa alynǵan.

AQTО́BE

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Uqsas jańalyqtar