Aımaqtar • 26 Naýryz, 2020

Az qamtylǵan 3669 adam azyq-túlik jáne turmystyq jıyntyq alady

39 ret kórsetildi

Soltústik Qazaqstan oblysynyń ákimi Qumar Aqsaqalov aty jaman vırýsqa qarsy kúres kezindegi oblystyń jaǵdaıy týraly aıtyp, jergilikti telearnadan brıfıng berdi. Aldymen ol boıynan koronovırýs tabylǵan áıeldiń oqıǵasy jáne oǵan baılanysty istelgen sharalar týraly aıtty. Ony biz «Egemenniń» oqyrmandaryna buryn jetkizgenbiz.

Ákim turǵyndardyń saýlyǵyn saqtaý sharalarynyń biri retinde oblysta qonaq shaqyryp, toı jasaýǵa tıym salynatynyn da aıtty. Odan ári oblys aýmaǵyna kóliktiń barlyq túrlerimen kelgen jolaýshylardyń bári saýalnama toltyratynyn eskertti. «Sonyń ishinde EAEO elderinen kelgen qonaqtar birden karantınge baǵyttalady. Naýqastyń belgileri baıqalǵan jolaýshylar provızorlyq stasıonarlarǵa aparylady. Qalada barlyq HQKO-lar ýaqytsha jabylǵan, memlekettik qyzmetterdi tek ınternet arqyly ǵana alýǵa bolady. Barlyq qoǵamdyq oryndar men kólikter sanıteızerlermen jabdyqtalǵan, sýpermarketterdiń, kafeler men saýyqjaılardyń, dúkenderdiń satýshylary betperdemen jáne qolǵappen qamtamasyz etilgen bolýy kerek. Eger TJ talaptaryn oryndalmasa biz kez kelgen mekemeni jabýǵa qaqymyz bar», dedi ol.

Búgingi tańǵa deıin TJ talaptaryn buzǵan 17 kafe men kompıýterlik klýbtardyń qojaıyndary 5 kúnnen 10 kúnge deıin ákimshilik qamaýǵa alynǵan eken.  Sonymen qatar «Taıga» saýda ornynda da TJ talaptary buzylǵan eken, biraq onda qazir kemshilikter joıylǵan. «Osyndaı saýda oryndarynyń qojaıyndaryn qatty eskertemin. Eger burynǵydaı TJ talaptary buzylsa 5 pen 10 kún aralyǵyndaǵy Ákimshilik tutqyndaý jazasy qoldanylady»,- dedi Q.Aqsaqalov. Sonymen birge ol barlyq dinı ortalyqtarda jappaı qulshylyq jasaýǵa ýaqytsha tıym salynǵanyn aıtty. Odan ári ákim: «Qazir oblysta betperde jasaýmen 54 tigin ateleleri aınalysýda. Jergilikti «Radýga» zaýyty táýligine 7 tonna antıseptık shyǵarady.  Oblysta daǵdarysqa qarsy arnaıy jospar bekitildi. Áleýmettik turǵyda az qamtylǵan otbasylar tegin azyq-túlik jáne turmystyq jıyntyq alatyn bolady. О́ńirimizde ondaıdy 3669 adam alady. Azyq-túlik qory bizde jetkilikti. Áleýmettik mańyzy bar taýarlar tizimi bekitilgen», dedi. Sonymen qatar ol TJ baılanysty eńbekaqylary saqtalmaı, májbúrli demalysqa jiberilgen qyzmetkerler men jumysshylar kategorııasy memlekettik áleýmettik saqtandyrý qorynan aı saıyn 42500 teńgeden alatynyn aıtty.  Al jumystary qaýyrt bolyp ketken barlyq medısına qyzmetkerlerine Prezıdenttiń tapsyrmasyna oraı bir aılyq eńbekaqysy kóleminde syıaqy beriletindigin de jetkizdi. Sondaı-aq jaldaý aqylarynyń da 50 paıyzǵa deıin tómendetiletini aıtyldy. «Kommýnaldyq menshikti jaldaıtyn 100-den artyq shaǵyn jáne orta bıznes sýbektileri úsh aı boıy jaldaý aqysynan bosatylady jáne úsh aıǵa salyq tólemderin aıyppul tólemeı keshiktirýine ruqsat beriledi», dedi Q.Aqsaqalov.  

Soltústik Qazaqstan oblysy

Sońǵy jańalyqtar

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Aýdandy 100 paıyz gazben qamtý mindeti tur

Aımaqtar • 22 Qańtar, 2021

Uqsas jańalyqtar