Qoǵam • 01 Sáýir, 2020

Senimimizdi nyǵaıtqan naqty qadam boldy

30 ret kórsetildi

Bizdiń bılikke beretin kómegimiz, «Biz birgemiz!» degen urandy aýyzben emes, shyn peıilmen aıtý jáne sony uqypty atqarý.

Prezıdent Qasym-Jomart Kemelulynyń bul málimdemesi – barlyq salany tegis qamtyǵan mańyzdy málimdeme boldy. Shyny kerek, barlyq qazaqstandyq memleket basshysynyń ár sózin qatty alańdaýshylyqpen, zor jaýapkershilikpen, úlken úmitpen tyńdady.  Tótenshe jaǵdaıda halyqqa járdem kórsetý, olardyń densaýlyqtaryna alańdaýshylyq bildirý, kásipteriniń turalap qalmaýyna qamqorlyq tanytý, jumyssyz qalǵandardyń jaǵdaıyna qaraılasý úlken kómek bolyp tabylady. Moraldyq qoldaýdan bólek, materıaldyq járdem beriletini aıtyldy.  Bul – halyqtyń bılikke degen senimin nyǵaıtatyn naqty qadam dep bilemin.

Prezıdent óz málimdemesinde sondaı-aq halyqtyń bılikke de kómek qolyn sozýyn tapsyrdy. Bul – árqaısymyz qaýipti indettiń aldyn alýda saqtyq sharalaryn kúsheıtip, birlik tanytýymyz kerek degen sóz. Bizdiń bılikke beretin kómegimiz, «Biz birgemiz!» degen urandy aýyzben emes, shyn peıilmen aıtý jáne sony uqypty atqarý.

Qazaqta «Qanaǵat qaryn toıǵyzar» degen qanatty sóz bar. Bizdiń táýbeshil halyq talaı tar kezeńdi artqa tastap osy kúnge jetken edi. Memleket basshysy keshegi málimdemesi arqyly bul synaqtan da synbaı ótetinimizge zor senim bildirip otyr.

 

 Baqytjan QANAPIIаNOV,

Aqyn,

Qazaqstannyń eńbek sińirgen qaıratkeri

«Parasat» ordeniniń ıegeri

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar