Úkimet • 02 Sáýir, 2020

Úkimet azamattar men bıznesti qoldaýdyń qosymsha sharalaryn qabyldady

12 ret kórsetildi

Premer-Mınıstri Asqar Mamınniń tóraǵalymen ótken selektorlyq otyrysta Qazaqstan Respýblıkasynyń 2020-2024 jyldarǵa arnalǵan áleýmettik-ekonomıkalyq damý boljamy jáne 2020 jylǵa arnalǵan respýblıkalyq bıýdjeti, sondaı-aq QR Prezıdenti Qasym-Jomart Toqaevtyń bıylǵy 31 naýryzdaǵy tapsyrmalaryn iske asyrý aıasyndaǵy daǵdarysqa qarsy sharalardyń qosymsha toptamasy qaraldy. Bul týraly primeminister.kz habarlady.

Ulttyq ekonomıka mınıstri R. Dálenov, Premer-Mınıstrdiń birinshi orynbasary – qarjy mınıstri Á. Smaıylov, eńbek jáne halyqty áleýmettik qorǵaý mınıstri B. Nurymbetov baıandama jasady. О́ńirlerdegi ahýal jáne jumyspen qamtýdy qoldaý sharalary týraly Nur-Sultan qalasynyń ákimi A. Kólginov, Almaty jáne Túrkistan oblystarynyń ákimderi A. Batalov pen О́. Shókeev baıandady. 

Úkimet basshysy basym mindet jumyspen qamtý ekenin atap ótti. Jańa «Jumyspen qamtýdyń jol kartasyn» qarjylandyrý 1 trln teńgege ulǵaıtyldy, bul 240 myńnan asa jańa jumys ornyn qurýǵa múmkindik beredi, buǵan jobalar iske asyrylatyn kezde qurylatyn ýaqytsha jumys oryndary ǵana emes, turaqty jumys oryndaryn qurý da kiredi. 

«Jumyspen qamtý jol kartasyn iske asyrý ınfraqurylymdy jańǵyrtý men tıimdi aktıvterdi qurýdyń negizi bolýy tıis, olar bolashaqta ósý men damýǵa negiz bolady», — dedi A. Mamın.

Premer-Mınıstr kásipkerlerdi qoldaý úshin salyqtyq jeńildikter qabyldanǵanyn aıtty. Olar ekonomıkanyń túrli salalaryn qamtıdy, onyń ishinde: saýda, qoǵamdyq tamaqtandyrý, qonaq úı jáne týrıstik bıznes, sondaı-aq qyzmet kórsetý sektorynyń basqa da salalary bar. Salyqtan bosatý jáne mólsherlemelerdi tómendetý túrli merzimge jáne 700 myńnan astam kásipkerlik sýbektisine qoldanylady. 

Áleýmettik tólemderdi alýshylardyń qatary artady, onyń ishinde jumysynan aıyrylǵan ózin-ózi jumyspen qamtyǵandar, sondaı-aq halyqtyń áleýmettik jaǵynan álsiz keıbir toptary bar. Shamamen 3 mln qazaqstandyq 42500 teńge mólsherinde tólemaqy alatyn bolady.

Kóp balaly otbasylarǵa, jumyssyzdarǵa turaqty negizde turmystyq azyq-túlik jıyntyǵy tegin beriletin bolady. Bul sharamen 800 myńnan asa adam qamtylady. 

Úkimet basshysy ákimderge múddeli memlekettik organdarmen birlesip, jańa Jumyspen qamtý jol kartasyn ýaqytyly ári tıimdi iske asyrýdy, áleýmettik qoldaýdyń barlyq túrlerin tóleýdi qamtamasyz etýdi tapsyrdy. 

«Memleket basshysynyń barlyq tapsyrmalary qajetti qarjylandyrýmen qamtamasyz etilip, ýaqytyly oryndalatyn bolady», — dedi A. Mamın.

Sońǵy jańalyqtar

Vıkıngterdiń izimen

Tarıh • Búgin, 22:46

Aqbóken ósimin retteı alamyz ba?!

Aımaqtar • Búgin, 22:32

Úlken ótirik jáne onyń saldary

Álem • Búgin, 22:29

Qostanaı oblysynda kólik órti jıilegen

Aımaqtar • Búgin, 18:00

Búgin – Halyqaralyq Mýzeı kúni

О́ner • Búgin, 15:12

Koroldik klýb kósh bastap tur

Fýtbol • Búgin, 14:44

Aıda Balaevanyń anasy ómirden ozdy

Qoǵam • Búgin, 11:54

Uqsas jańalyqtar