Qazaqstan • 08 Sáýir, 2020

Egis naýqanyna bólingen 70 mlrd teńgeniń basym bóligi sharýalarǵa berildi

70 ret kórsetildi

Memleket basshysy agrarlyq salany qarjylandyrý basym baǵyttardyń biri ekenin aıtyp, QazAgro holdıngine jáne onyń enshiles uıymdaryna tıisti mindetter júktegeni belgili. Bul baǵytta naqty qandaı jumystar atqarylyp jatqany týraly «QazAgro» holdıngi» AQ  Basqarma tóraǵasy Erbol Qarashókeev aıtyp berdi.

̶  Qasym-Jomart Toqaev 31 naýryzdaǵy málimdemesinde kóktemgi egis jumystaryn júrgizý úshin 70 mlrd teńge jáne «Qarapaıym zattar ekonomıkasy» baǵdarlamasy aıasynda qosymsha 100 mlrd teńge bólýdi tapsyrdy. El Prezıdentiniń bul jasaǵan Úndeýi eldegi sharýalarǵa jiger syılap otyrǵany anyq,  ̶  deıdi Basqarma tóraǵasy.

Onyń aıtýynsha, ońtústik óńirlerde kóktemgi egis jumystary bastalyp ketti. Ortalyq jáne Soltústik aımaqtar daıyndyq sharalaryna kirisip, tehnıkalaryn túgendep otyrǵan jaıy bar.

Osy oraıda, eń bastysy fermerlerdiń aldymen qarjyǵa tez jáne ońaı qol jetkizilýin eskerip, «QazAgro» Holdınginiń enshiles uıymy «Agrarlyq nesıe korporasııasy» AQ arqyly fermerlerdiń jeńildetilgen nesıe alýyna úlken ózgerister jasady. Mańyzdy sheshimniń biri, Korporasııa óz fılıaldarynyń derbes sheshim qabyldaý lımıtterin (200 mln.teńgege deıin) ulǵaıtyp, nesıelik komıtetterdiń qashyqtan jıyn ótkizý, qujattar men tólem qujattaryna qashyqtan qol jetkizý tájirıbesi engizildi. Bul degenińiz, eldegi tótenshe jaǵdaı rejımi ótinimderdi qaraý men nesıe berý prosessterine keri áser etpeıdi degen sóz. Búgingi tańda «QazAgro» men onyń enshiles uıymdarynyń úzdiksiz jumys isteýde.

̶ Taǵy bir mańyzdy sheshim, bul kepildik saıasatyna qatysty. Elimizde engizilgen tótenshe jaǵdaıǵa qaramastan kepil sharttaryn jeńildetip, nesıe alýshylar tapsyratyn qujattar tizimin azaıttyq. Nesıeniń syıaqy mólsheri men sheshim qabyldaý merzimi qysqarttyq, jalpy, bıznes-prosesterdi ońtaılandyrý úshin jan-jaqty sharalar qabyldandy. Sharýalardyń qarjyǵa qol jetkizýin jeńildetý úshin kepil saıasatynyń sharttary jaqsartyldy. Bul ótimdilik koeffısıentteriniń naqty stavkalaryn anyqtaýǵa múmkindik berdi. Kez kelgen jyljıtyn jáne jyljymaıtyn múlik kepil retinde qabyldanady. Atap aıtqanda,  jer ýchaskeleri, uzaq merzimdi jer paıdalaný quqyǵy, jabdyqtar, aýyl sharýashylyǵy tehnıkasy, mal jáne múlikterdiń basqa da túrlerin kepildikke qoıýǵa bolady,  ̶  dedi E. Qarashókeev.

Qazir qalalarda kóp uıymdar qashyqtyqtan jumys jasaý formatyna ótti. Kúni-túni egin alqaptarynda júretin sharýalar qashyqtan jumys jasaýy múmkin emes.  «QazAgro» holdıngi» AQ Basqarma tóraǵasynyń aıtýynsha, karantın jaǵdaıynda da  holdıng pen enshiles uıymdar jáne fılıaldar ótinimderdi qaraý jáne sheshim qabyldaý jumysyn úzdiksiz jalǵastyrady. Osylaısha, kásipkerlerdiń nesıe qarjysyna jyldam qol jetkizýin barynsha qamtamasyz etiledi.

Mańyzdysy, der kezinde qolǵa alynǵan qarjylandyrý jumystary kóktemgi egis naýqanyn ýaqytynda bastaýǵa múmkindik berdi. «Keń dala» baǵdarlamasy boıynsha bıyl nesıeleý somasy arqyly 3 mln gektar egis alqabyn qarjylandyrý kózdelgen. Atalǵan baǵdarlama nátıjesinde 2,4 myńnan astam aýyl sharýashylyǵy taýaryn óndirýshiler (AShTО́) jeńildetilgen nesıelerge qol jetkizedi. Búgingi kúni kóktemgi egis naýqanyna baǵyttalǵan 70 mlrd teńgeniń basym bóligi sharýalarǵa berildi.

̶ Budan bólek, Memleket basshysynyń tapsyrmasyna sáıkes, «Qarapaıym zattar ekonomıkasy» baǵdarlamasy aıasynda salany qarjylandyrýǵa qosymsha qarajat ta qarastyrylǵany belgili. Iаǵnı, bólingen 100 mlrd teńge eldegi egis alqaptaryndaǵy óńdeý, sebý jáne jınaý jumystaryn júrgizýge baǵyttalady. «QazAgro» UBH qurylymyndaǵy kompanııalardan nesıe alýshylar úshin jyldyq syıaqy mólsherlemesi 6%-dan aspaıtynyn Memleket basshysy Úndeýinde aıtyp ótti, ̶  dedi E. Qarashókeev.

 

Sońǵy jańalyqtar

Inflıasııanyń beti qaıtpaı tur

Ekonomıka • Búgin, 20:00

Sıfrlyq damý vıse-mınıstri taǵaıyndaldy

Taǵaıyndaý • Búgin, 19:45

Memleket basshysy Asqar Mamındi qabyldady

Prezıdent • Búgin, 18:13

«Tobyl» alty fýtbolshymen qoshtasty

Fýtbol • Búgin, 17:45

Depýtattar nege tártipke baǵynbaǵan?

Aımaqtar • Búgin, 17:10

Kıim óndirisinde ımporttyń úlesi artqan

Ekonomıka • Búgin, 15:29

Pavlodarda er adamdy poıyz qaǵyp ketti

Aımaqtar • Búgin, 15:23

Uqsas jańalyqtar