Aımaqtar • 09 Sáýir, 2020

Ferroqorytpa zaýyty iske qosylǵaly beri 45 myń tonnadan astam daıyn ónim shyǵardy

53 ret kórsetildi

«YDD Corporation» Qaraǵandy ferroqorytpa zaýyty iske qosylǵan kúnnen bastap 45 myń tonnadan astam ferrosılısıı shyǵardy dep habarlady IIDM baspasóz qyzmeti.

Búgingi tańda zaýyt ónimderi Qazaqstan, Eýropa, Ońtústik-Shyǵys Azııa, Soltústik jáne Ońtústik Amerıka naryqtarynda satylady, osylaısha sapaly óndiris esebinen ferrosılısııaǵa jergilikti jáne jahandyq suranysty qamtý kózdelgen. Sońǵy jyldary ferroqorytpa eksporty 14% - ǵa tómendegenin eskersek bul óte mańyzdy joba bolyp tabylady. 

Kásiporynnyń negizgi shyǵaratyn ónimi joǵary sapaly ferrosılısııa bolyp tabylady, ol bolat, shoıyn qorytpalaryn óndirý jáne qospalaý, metaldardyń mehanıkalyq jáne korrozııalyq tózimdiligin jaqsartý kezinde qoldanylady.

Jalpy bul ónim álemde barlyq salada, atap aıtqanda ónerkásiptik jáne azamattyq qurylystaǵy metall konstrýksııalarynyń sapasyn arttyrýda, avtomobıl-áýe-keme jasaýda, tipti joǵary dáldikti hırýrgııalyq quraldardy óndirý kezinde de qoldanylady.

Qaraǵandy oblysyndaǵy «YDD Corporation» ferroqorytpa shyǵaratyn jańa avtomattandyrylǵan zaýyttyń resmı ashylý saltanaty 2019 jyldyń shilde aıynda ótti. Jobany iske asyrý úshin qurylys kezeńinde 500-den astam adam eńbek etti. Qazirgi ýaqytta metallýrgııalyq zaýytty paıdalaný barysynda turaqty negizde 550 bilikti maman jumys isteıdi.

Jobanyń ereksheligi metallýrgııa zaýytynyń árqaısysy 63 MVA aınalmaly vannalyq qýaty bar úsh belsendi rýdotermııalyq pesh tehnologııasyn paıdalanýy bolyp tabylady. Olar ónerkásiptik jaǵdaılarda synaqtan ótti jáne Indýstrııa 4.0. elementterimen jabdyqtalǵan álemdik ferrosılısııanyń jańa jetistikterin qoldaný esebinen úzdik álemdik standarttarǵa sáıkes keledi.

Sonymen qatar, jobanyń ekologııalyq tıimdiligine de erekshe nazar aýdarylǵan. Atap aıtqanda, zaýytta ornatylǵan gaz tazartý júıesiniń álemde teńdesi joq jáne aýany tazartýdyń joǵary deńgeıin, ıaǵnı 99,8% - ǵa deıin qamtamasyz etedi. 

Bul gaz tazartý júıesi óndiris barysynda paıda bolǵan shańdy ustap, ony qurylys ónerkásibinde qoldanylatyn mıkrokremnezemge aınaldyrady. Osylaısha ol sement, beton jáne t. b. óndirý úshinpaıdalanylady. 

Úshinshi peshti iske qosqannan keıin «YDD Corporation» JShS ferrosılısıı óndirisin jylyna 180-200 myń tonnaǵa deıin ulǵaıtýdy josparlap otyr. Aıta ketetin jaıt, daıyn ónimdi óndirý kezinde qazaqstandyq qamtý úlesi 94% quraıdy. Barlyq qajetti shıkizat bazasy - kómir, kvarsıt, okalın otandyq kásiporyndardan jetkiziledi. Búginde barlyq shıkizat boıynsha uzaq merzimdi kelisim-sharttarǵa qol qoıyldy.

Sońǵy jańalyqtar

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Aýdandy 100 paıyz gazben qamtý mindeti tur

Aımaqtar • 22 Qańtar, 2021

Uqsas jańalyqtar