Qazaqstan • 13 Sáýir, 2020

Nursultandyqtardyń 20%-y jumysyna oralady

48 ret kórsetildi

Memlekettik komıssııa sheshimimen 20 sáýirden bastap Nur-Sultan jáne Almaty qalalaryndaǵy birqatar ekonomıka sektorlarynyń jumysy qalpyna keltiriledi. Olardyń naqty tizimi 15 sáýirde belgili bolady. Jumysyn jalǵastyrýy múmkin sektorlar týraly Aqparat jáne qoǵamdyq damý mınıstri Dáýren Abaev habarlady.

«Birinshiden, atalǵan ózgeris Nur-Sultan men Almaty qalalarynda bir ýaqytta engizilgenimen eki qalada jumys prosesinde aıyrmashylyq bolýy múmkin. Onyń sebebi, osy qalalardyń epıdemııalyq jaǵdaıynyń jáne ekonomıkasynyń aıyrmashylyǵyna baılanysty. Sondyqtan barlyq nıýanstardy ákimdikter turǵyndarǵa aldyn ala habarlap, túsindirip otyrady. Ekinshiden, karantın talaptarynyń ózgerisi birden emes, kezeń-kezeńmen júzege asyrylady. Ár kezeńde Densaýlyq saqtaý mınıstrliginiń qorytyndysy esepke alynady»,- dedi Dáýren Abaev.

Mınıstrdiń aıtýynsha, qazir tek birinshi kezeń týraly sóz bolýda. Bul kezeńde aýrý juǵý qaýpi eń az degen kásiporyndar iske qosylady. Bundaı kásiporyndarda sanıtarlyq normalardy saqtaý boıynsha arnaıy protokoldar daıyndalady. Onyń oryndalýy turaqty túrde tekseriledi. Eger kásiporyn talaptardy buzsa, qatań shekteý sharalary qoldanylady.

«Búgin Nur-Sultan qalasynyń ákimi 20 sáýirden bastap myna sektorlardaǵy kásiporyndardyń jumysyn jalǵastyrýdy usyndy: 1) О́nerkásiptik jáne ındýstrıaldyq kásiporyndar 2) Qurylys salasyndaǵy kásiporyndar 3) Qystan keıin joldy jóndeıtin asfalt, beton zaýyttary 4) Zeınetaqy men járdemaqy berý úshin ekinshi deńgeıdegi bankter 16:00-ge deıin qysqa merzimmen 5) Jeke qosalqy qyzmet kórsetý sektorynyń keıbir uıymdary. Mysaly, hımııalyq tazalaý jáne kir jýý oryndary, shınomontaj, arnaıy tehnıkalardy jóndeý, kólik jýý stansııalary. 6) Qoǵamdyq tamaqtaný ornynan tamaq jetkizý múmkindigin keshki saǵat 22:00-ge deıin uzartý usynylady. Osylaısha barlyq atalǵan kásiporyndar boıynsha 100 myńǵa jýyq adam jumysyn jalǵastyrady. Bul Nur-Sultan qalasynda jumys isteıtin halyqtyń 20%-y»,- dedi mınıstr.

Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Uqsas jańalyqtar