Álem • 27 Sáýir, 2020

Eýropalyq Odaqtyń keıbir elderi karantın rejımin jeńildetedi

38 ret kórsetildi

Eýropanyń birqatar memleketteriniń úkimetteri búginnen bastap COVID-19 vırýsynyń taratylýyna baılanysty engizilgen keıbir shekteý sharalaryn alyp tastaýǵa sheshim qabyldady.

Chehııada azamattarǵa shetelge barýǵa, sondaı-aq úıden tys jerlerde on adamnan aspaıtyn toptarmen erkin júrip-turýǵa ruqsat etilgen. 27 sáýirden bastap qyzmet kórsetý salasynyń kásiporyndary men dúkender, fıtnes ortalyqtary, kitaphanalar men haıýanattar baqtary ashylady. Sondaı-aq, kostelder men shirkeýlerde qudaıǵa qulshylyq etýge ruqsat berilýi múmkin.

Horvatııada dúkender ashylady, mamyr-maýsym aılarynda qalaaralyq jáne halyqaralyq kólik qozǵalysy iske qosylady, bilim berý jáne densaýlyq saqtaý mekemeleriniń, sport jáne mádenı ortalyqtardyń jumysy qaıta jandanady.

Shveısarııada jalpy kómek kórsetetin medısınalyq, stomatologııalyq kabınetter, sulýlyq, massaj salondary, kólik jýý oryndary jáne sharýashylyq taýarlarynyń dúkenderi jumys isteı bastaıdy.

Grekııada keıbir memlekettik qyzmet organdary jumysqa kirisedi. Ipotekalyq keńseler, álemdik sottar jáne birinshi ınstansııaly sottar ashylady.

Grýzııada jeńil avtokólikterdiń, taksıdiń qozǵalysyna ruqsat beriledi, onlaın-saýda, kez kelgen ónimderdi jetkizý servısteriniń jáne ashyq agrarlyq bazarlardyń jumysy jańartylady.

Ispanııa qatań karantın rejımin saqtaıdy. Munda 14 jastan kishi balalarǵa serýendeý úshin úıden shyǵýǵa ruqsat beriledi.

Sońǵy jańalyqtar

Uqsas jańalyqtar