Aımaqtar • 09 Mamyr, 2020

Shyǵys Qazaqstan: Semeıde bir kúnde 10 adam koronavırýs ınfeksııasyn juqtyrdy

1279 ret kórsetildi

Turǵyndar áli de kópshilikti shaqyryp, as berý rásimderin ótkizýde.

Keshe Semeı qalasynda bir kúnde 10 adamnyń koronavırýs ınfeksııasyn juqtyrǵany belgili boldy. Bul týraly oblys ákimdiginiń ınstagram paraqshasy habarlady. «Aýyrǵandardyń ishinde 2019, 2014, 2011, 2010 jyldary týǵan tórt bala, 2003 jylǵy stýdent jáne 1939 jylǵy zeınetker bar. Sondaı-aq, 1977 jylǵy áıel jáne 1974, 1978 jylǵy er azamattar bar. On oqıǵanyń toǵyzy buǵan deıin aýrýhanaǵa túsken 1963 jyly týǵan azamatpen úı oshaǵy boıynsha jaqyn baılanysta bolǵan naýqastar tobyna jatady. Al 1995 jylǵy jas jigitte dert skrınıngtik tekserý barysynda anyqtaldy. Qazirgi kezdegi jaǵdaı boıynsha Shyǵys Qazaqstan oblysynyń aýmaǵynda koronavırýs ınfeksııasynyń 43 jaǵdaıy tirkelgen, onyń úsheýi syrttan ákelingen» delingen habarlamada.

Semeıde qaýipti vırýsty juqtyrǵandar nege kúrt kóbeıdi? Oblystyq Densaýlyq saqtaý basqarmasy basshysy Ilııas Muhamedjannyń pikirinshe, buǵan sebep – Semeı turǵyndarynyń shekteý sharalaryn durys oryndamaýy. «Bizdiń oblysta anyqtalǵan 43 jaǵdaıdyń 33-i Semeıde tirkelip otyr. Birneshe márte jasalǵan eskertýlerge qaramastan adamdar karantın talaptaryn saqtaýda salǵyrttyq tanytýda. Vırýs juqtyrý qaýpi joǵary ekenin uǵynǵysy kelmeıdi. Semeıge jiberilgen arnaıy komıssııa qala turǵyndary karantın rejımin óreskel buzý faktilerin anyqtady. Azamattarǵa týǵan kúnin toılaǵan turǵynnyń kóńildi keshinen keıin aýrýhanaǵa 7 adamnyń koronavırýs dertimen túsken jaǵdaıy da sabaq bolmady. Turǵyndar áli de kópshilikti shaqyryp, as berý rásimderin ótkizýde. Al shaǵyn jáne orta bıznes nysandary oblystyń bas sanıtar dárigeriniń qaýlysyndaǵy qarapaıym qaýipsizdik erejelerin saqtamaıdy» deıdi basqarma basshysy.

Shyǵys Qazaqstan oblysy    

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar