Aımaqtar • 09 Mamyr, 2020

Shyǵys Qazaqstan: Kúrshimde soǵys ardagerine temir tulpar mingizdi

1868 ret kórsetildi

Kúrshim aýdanynan 9 myńnan astam adam soǵysqa attanǵan.

Oblysta II dúnıe júzilik soǵystyń 75 jyldyǵy aıasynda ardagerlerge qurmet kórsetilýde.

Búgin Kúrshim aýdanynyń ákimi Dýlat Qajanov soǵys ardageri Ahmetkárim Ahmadıevtiń shańyraǵynda bolyp, merekemen quttyqtady. Qart maıdangerdiń soǵystaǵy erlikteri men beıbit jyldardaǵy eńbekteri, sondaı-aq el Táýelsizdigin nyǵaıtýǵa qosqan úlesi ushan teńiz, búgingi jas urpaqqa óshpes ónege.

p

Aýdan ákimi Ahmetkárim aqsaqalǵa Memleket basshysy Qasym-Jomart Toqaevtyń jáne oblys ákimi Danıal Ahmetovtyń quttyqtaý hattaryn oqyp, syı-sııapatyn tabystady. Sondaı-aq, aýdan basshysynyń bastamasymen jáne jergilikti kásipkerler qoldaýymen qaharman qart maıdangerge jańa temir tulpar syıǵa tartyldy.

v

«El basyna kún týǵan surapyl soǵys jyldary adam tózgisiz qıynshylyqtardy qaıyspaı kóterip, eldiń qorǵany bolǵandaryńyz úshin Sizderge bas ıemiz. Elimizdiń búgingideı beıbit zamanda jetken barlyq jetistikteriniń artynda Sizderdiń eńbekterińiz ben erlikterińiz tur. Biz muny máńgi este saqtaımyz jáne maqtan tutamyz»  dedi Dýlat Qajanov quttyqtaý sózinde.

Maıdanger Ahmetkárim Ahmadıev 1925 jyldyń 12 tamyzynda Shyǵys Qazaqstan oblysy, burynǵy Samar aýdany, Sarshoqy aýylynda dúnıege kelgen eken. Ákesi Qaıyńdy orman sharýashylyǵynyń basshysy, aǵashtan túıin túıgen sheber adam bolypty. Sheshesi úı sharýasynda, bala tárbıesimen otyrǵan. Ahmetkárim ata úsh jasynda jetim qalǵan. Sol bir jyldary qazaq dalasy jazalaýdy, ashtyqty, juqpaly aýrýmen aýyrǵandy basynan ótkizgen edi, taǵdyr taýqymeti ony da aınalyp ótpedi. 1939 jyly Ahmedkárim Ahmadıev bastaýysh mektepte 7 synypty bitiredi. Mektepti aıaqtaǵan keıin kolhozǵa jumysshy bolyp istegen. 1943 jyldyń 2-inshi aqpanynda Ahmetkárim Ahmadıev ásker qataryna Zabaıkaleǵa shaqyrylady. Bul kisiniń jaýyngerlik jolyn keýdesi toly orden, medaldardan da kórýge bolady, atap aıtqanda, «Japonııany jeńgeni úshin», «Otan soǵysy» II dárejeli ordeni jáne taǵy basqa marapattary. 1950 jyly soǵys aıaqtalǵannan keıin áskerden qaıtqan Ahmetkárim Ahmadıev týǵan jerine oralady. Ahmetkárim aǵa jubaıy Shókenmen birge 6 bala ósiripti. Qazir 17 nemere, 11 shóberesi ósip keledi. 2007 jyly Ahmetkárim Ahmadıevke «Kúrshim aýdanynyń Qurmetti azamaty» ataǵy berilgen.

О́z kezeginde ardager rızashylyǵyn bildirip, aq batasyn berdi.

Jalpy Kúrshim aýdanynan 9 myńnan astam adam soǵysqa attanǵan. Olardyń 5 myńnan astamy qaza tapqan, 2246 jaýynger  habarsyz ketti. 4 jerlesimiz Keńes Odaǵynyń batyry ataǵyna ıe boldy.

Bıylǵy 75 jyldyq aıasynda aýdan boıynsha 1 soǵys ardagerine 600 myń teńge, 3 UOS qatysýshylarynyń jesirleri men 6 eren eńbegi úshin marapattalǵandarǵa 100 myń teńgeden jáne 221 tyl eńbekkerlerine 42 500 teńgeden berildi. Jalpy 10 mln. 892 myń teńge kóleminde áleýmettik tólem júrgizildi.

Shyǵys Qazaqstan oblysy

Sońǵy jańalyqtar

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar