Mańǵystaý oblysynda tó­tenshe jaǵdaı kezinde volon­terler korpýsy atqarǵan ju­mys alýan. Aldymen qura­mynda 15 volonter bar jedel qyzmet kórsetetin vo­lonterlik shtab qurylyp, óz ju­mysyn úsh baǵytta júr­gizý­di qolǵa aldy.

Jalpy, volonterlik top­tar men qaıyrymdylyq uıym­dar oblys turǵyndaryna ko­ro­navırýstan qorǵaný, tó­tenshe jaǵdaı rejimindegi qaýip­­sizdik sharalaryn saq­taý, karantınde qıyn jaǵ­daıǵa tap bolǵan áleýmettik ja­ǵy­­nan osal toptaǵy azamat­tar­ǵa qol­­­daý kórsetý baǵy­tynda aýqym­­dy jumys atqarýda.

Birinshi, aqparattyq ju­mys baǵytynda azamattar­dy tóten­she jaǵdaı kezindegi qaýipsizdik erejeleri men is-qımyldar, koronavı­rýstan qorǵaný týraly aq­parattandyrý, qala tur­ǵyn­daryna arnalǵan aq­parattyq ınfografıka ázir­leý jáne ony taratý, ıaǵnı bet­perde tigýshiler týraly, jet­kizý qyzmeti bar meıramhanalar men dárihana­lar týraly aq­parat berý jol­ǵa qoıyldy. Aqtaý qalasy turǵyn­dary­na myńnan asa jadynama taraty­lyp, aıaldamalar men a­q­parattyq týmbalarǵa, tur­ǵyn­dar kóp shoǵyrlan­ǵan oryn­darda 300-ge jýyq aqparattyq paraqshalar japsyryldy. Ekinshi, baǵyt boıyn­sha jıyrma kún ishinde mań­ǵys­taýlyq volonterler korpýsy 17 azamatqa adrestik kómek kórsetip úlgerdi.

– О́ńirde arnaıy shek­teý­­ler qoıylǵandyqtan, úı karan­tıninde jatqan azamat­tar­men baılanys ornatyl­­dy. Sonymen qatar koro­na­vırýsqa qatys­ty saýaldar boıynsha baıla­nys ortalyǵynyń operator­larynda baılanys nómiri­miz bar. Bizben baılanys­qan máse­lelerdiń ózektiligi­ne baı­l­a­­nysty azamattardy aýdan jáne qala call-ortalyq­tary­men baılanystyrýdamyz. Volonterler Nur Otan par­tııa­synyń «Birgemiz» aksııa­synda kórsetilip jatqan áleý­mettik kómekti azamattarǵa jet­kizý jumysyna jumyl­dyrylǵan. Búginde bizdiń volon­terlerdiń kómegimen 944 azamatqa áleýmettik kómek kórsetildi.

Aıta ketý kerek, barlyq jumysymyz jergilikti ákim­dik kelisimimen ǵana, karan­tın erejesi saqta­lyp júr­gizilýde. Barlyq bas­tamashyl topty or­taq ere­jeni qatań saqtaýǵa shaqy­ramyz, deıdi Mańǵys­taý obly­sy jastar resýrs­tyq orta­ly­ǵynyń basshysy Abylaı Fazylbekuly.

О́ńirde sáýir aıynan bastap Ahmet Baı­tur­syn­uly atyndaǵy bilim aka­de­mııasynyń uıymdas­tyrýy­men «Birgemiz: Bilim» jobasy baǵyttarynyń biri – aýyl­dyq jerdegi áleý­mettik jaǵynan osal topqa jatatyn bitirýshi túlek­terge arnalǵan UBT-ǵa daıyndyq kýrsy bas­taý aldy. Mańǵystaý oblysynda júzege asyrylatyn «Birgemiz: Bilim» jobasyna volonterlik qoldaý kórsetý maqsatyndaǵy kýrsqa oblys kóleminde 200 oqýshy irik­­telip alyndy. Aldaǵy ýa­­qytta oqýshylar kásibı maman­­­dardyń kómegimen min­detti jáne beıindik, ıaǵnı oqý­­­shy tańdaǵan pánderden vıdeosabaq alatyn bolady.

Atalǵan jobany júzege asyrýǵa Volonterler korpý­synyń 20 volonteri atsalysady. Olar oqýshylardyń úı tap­syrmasyn ýaqtyly oryn­daýyn qadaǵalaıdy, men­tor­lyq qoldaý kórsetedi ári bos ýaqytyn tıimdi ót­kizýge ba­ǵyt­talǵan jumys­tardy atqarady.

Aqtaýdaǵy negizgi qaıy­rym­dylyq is-sharalardy uıym­dastyrýshy – «Biz adambyz – biz birgemiz» qory «Altyn Food» sýpermarketter jelisi, «Forte Bank» AQ MOF, «MunaıTelekom» AQ jáne t.b. óndiris jáne bıznes sýbektileriniń qoldaýymen kúndelikti 35 dárigerdi túski aspen, ár senbi saıyn meken-jaıy anyqtalmaǵan 70 azamatty ystyq taǵam­men qamtamasyz etip, Aqtaý qalasy men Saıyn aýylynyń 249 ot­basyna áleýmettik kómek kórsetýde. Igi isten «Atadan mıras» qoǵamdyq qory da tys qalǵan joq, olar qala volon­terlerimen birigip 320 muq­taj otbasyny bir aılyq azyq-túlikpen qamtamasyz etti.

Al «Klýb dobrıakov» toby jalǵyzbasty, múmkindigi shekteýli jáne kóp balaly otbasy sanatyna jatatyn 230 azamatqa áleýmettik kómek kórsetip, karantındik zonada qyzmet etip júrgen polısııa qyzmetkerlerin ystyq taǵammen qamtamasyz etip otyr. Sondaı-aq «Aq­taý qaıyrymdy jandary» toby 30 otbasyǵa áleýmet­tik kómek, 6 otbasyǵa qarjylaı kórsetti.

«Qoǵamdyq kelisim» me­kemesiniń volonterleri, kásipkerler men etnomádenı birlestikter 40 otbasyna azyq-túlik, gıgıenalyq qural­darmen qamtamasyz etse, Mańǵystaý oblysy Qazaq­stan halqy Assambleıasy janyn­daǵy Analar keńesi áskerı qyzmetkerlerge 300 betperde, «Choson» etno­mádenı birlestigi 100 betperde úlestirdi.

«Atameken» UKP isker áıelder keńesi 48 otbasyǵa azyq-túlik, kóp rettik qolda­ny­la­tyn betperde men medı­sı­nalyq jabdyqtar tabys etti.

О́ńirdegi aýdandyq jáne qalalyq jastar resýrstyq ortalyǵynyń bastamasymen 49700 kóprettik betperde tigilip, áleýmettik jaǵynan az qamtylǵan azamattarǵa taratyldy.

Qıyn kezde de el arasynan tabylyp, olarǵa qoldaý kórsetip júrgen eriktilerdiń eńbegi eren. Indetpen kúresti aıaqtamaı jatyp Túrkistan óńirine gýmanıtarlyq kómek uıymdastyrýdy bastap ketken olardyń ár kúni qaýyrt.

Mańǵystaý oblysy