Aımaqtar • 20 Mamyr, 2020

Atyraý: Jelikken júrgizýshiler jazalandy

288 ret kórsetildi

Atyraýda da Armenııa men Reseıde tirkelgen kólik kóp. Al mundaı kólikter bizdiń eldiń derekter bazasyna tirkelmeıdi.

Shetelderde tirkeýde turǵan kólikterdi tizgindegen jastarǵa jelik bitip, jol ústinde oıyna kelgenin isteıdi. Jyldamdyqty shekten tys arttyrady. Jaıaý júrginshilerge qaýip tóndiredi.

Burnaǵy kúni polısııa qyzmetkerleri Atyraý qalasynda «Intercoptor» avtomattandyrylǵan baqylaý júıesiniń kómegimen sondaı  eki avtokóliktiń júrgizýshisin anyqtady.  О́ıtkeni, olar kópten beri asa iri mólsherdegi aıyppuldy tólemeı júr edi.

– Polıseıler «Kordon» fotoradar kesheniniń kómegimen  18 mamyrda bul kólikterdi  qala kóshelerinde  toqtatty. Onyń biri –«Opel Astra» kóliginiń júrgizýshisine jyldamdyqty 116 ret  arttyrǵany úshin 1 mln 117 myń 886 teńgeniń aıyppuly salynǵan. Al, ekinshisi   «Daewoo Nexia» kóligimen   qozǵalys erejesin  20 ret buzǵany   úshin  173 625 teńge aıyppul arqalaǵan edi. Olardyń aıyppuly tolyq tólengenshe, kólikter aıyp turaǵyna qoıyldy, - dep habarlady oblystyq polısııa departamentiniń baspasóz qyzmeti.

Sońǵy jańalyqtar

Petr Iаn úzdikter qataryna endi

Jekpe-jek • Búgin, 16:05

Erteń Qazaqstan quramasy Beıjińge attanady

Qysqy sport • Búgin, 11:15

Uqsas jańalyqtar