Qazaqstan • 20 Mamyr, 2020

О́nerkásip salasynda 17 myń jańa jumys orny ashylady

24 ret kórsetildi

Bıyl Indýstrııalandyrý kartasy aıasynda taý-ken metallýrgııa kesheni, qurylys ındýstrııasy, hımııa ónerkásibi, mashına jasaý, munaı-gaz hımııasy, munaı óńdeý, farmasevtıka, agroónerkásiptik keshen, azyq-túlik óndirisi salalarynda 1,1 trln teńge somaǵa 160 jobany iske asyryp, 17 myńnan astam turaqty jumys ornyn ashý josparlanǵan. Bul týraly IIDM baspasóz qyzmeti habarlady.

Jobalardyń basym bóligi Almaty (33 joba) jáne Aqtóbe (20 joba) oblystarynda iske asyrylady. Qarjylandyrý kólemi boıynsha Qaraǵandy (256,4 mlrd.teńge) jáne Almaty (230,2 mlrd. teńge) oblystary kósh bastap tur.

Otandyq kásipkerler bastamashy bolǵan barlyq jobalar bankterdiń menshikti jáne kredıttik resýrstary esebinen júzege asyrylady.

Koronavırýstyń taralýyn shekteý sharalaryn qoldaný ekonomıkalyq belsendiliktiń, onyń ishinde iskerlik jáne ınvestısııalyq belsendiliktiń tómendeýine, tutynýshylyq jáne ınvestısııalyq suranystyń qysqarýyna ákelip soǵyp, bıznestiń utqyrlyǵyn shektedi. Bul shıkizat pen jınaqtaýyshtardy jetkizýdegi kidiristermen birge óndiristik belsendilikti de tómendetedi. 

Osyǵan qaramastan QR Prezıdenti janyndaǵy Tótenshe jaǵdaı rejımin qamtamasyz etý jónindegi memlekettik komıssııanyń aǵymdaǵy jylǵy 13 sáýirdegi sheshimimen qatań sanıtarlyq-epıdemıologııalyq sharalar saqtalǵan jaǵdaıda kásipkerlik sýbektileriniń jumysyn kezeń-kezeńmen jańartý, qyzmetkerlerdiń jumys oryndarynda qashyqtyǵyn saqtaı otyryp júzege asyrylatyn bolady.

Osyǵan oraı jobalardy iske qosý 2020 jyldyń II jartyjyldyǵynda atqarylady dep josparlanýda.

Salynyp jatqan obektilerdi tapsyrý merzimderin saqtaý maqsatynda óńirlerge qurylys-montaj jumystaryn júrgizý kestesin qaıta qaraý jáne karantındik sharalar alynyp tastalǵannan keıin áleýmettik mańyzy bar obektiler qurylysynyń qarqynyn kúsheıtý qajettigi týraly tıisti usynymdar joldandy.

Sonymen qatar, óńirlerde sapaly jumys júrgizý qajettiligin eskere otyryp, aǵymdaǵy jyldyń mamyr aıynyń sońynda 2020 jylǵy jobalardy iske asyrý barysy týraly barlyq óńirlerdiń eseptik tyńdaýlaryn ótkizý josparlanyp otyr.

Sońǵy jańalyqtar

Aıǵa alǵashqylardyń biri bolyp áıel qonady

Tehnologııa • Búgin, 10:00

Atyraý oblysy «sary» aımaqqa endi

Aımaqtar • Búgin, 10:00

«Nur-Sultan - Pavlodar» joly ashyldy

Aýa raıy • Búgin, 09:24

Adam janyn indetten arashalaǵan abzal jan

Aımaqtar • Búgin, 09:20

Teńge qymbattaıdy

Qarjy • Keshe

Qazaqstannyń qaı aımaqtarynda joldar ashyldy

Aımaqtar • 07 Naýryz, 2021

Italııada toǵyz júlde aldyq

Sport • 07 Naýryz, 2021

Jansaı Smaǵulov kúmis medaldi ıelendi

Sport • 07 Naýryz, 2021

Elimizde 568 adam koronavırýstan jazylyp shyqty

Koronavırýs • 07 Naýryz, 2021

Elimizde bir táýlikte qansha adam vırýs juqtyrdy

Koronavırýs • 07 Naýryz, 2021

«Barys» utylyp qaldy

Sport • 06 Naýryz, 2021

Uqsas jańalyqtar